លោក សាយ ប៊ុនសឿន បាននាំយកថវិកាមូលនិធិ ស ខេង ជូនប្រជាពលទាំង៧ភូមិ ក្នុង ឃុំព្នៅ១
11-April-2016 | ដោយ មែន កំសត់
ព្រៃវែង ៖ នៅព្រឹកថ្ងៃទី១០ ខែមេសា ឆ្នាំ២០១៦ លោក សាយ ប៊ុនសឿន តំណាង ឯកឧត្តម កឹម សុខុន និង ឯកឧត្តម សៅ វលក្ខណ៍ បាននាំយកថវិកាមូលនិធិ ស ខេង ជូនប្រជាពលទាំង៧ភូមិ ក្នុងឃុំព្នៅ១ ចំនួន៣១នាក់ និងប្រគល់ផ្ទះជូនលោក យាយ ជីម អាយុ៨៣ ឆ្នាំនៅ ភូមិកំព្រៅ ឃុំព្នៅទី១ស្រុកស៊ីធរកណ្តាល ខេត្តព្រៃវែង។
នាឱកាសនោះលោក សាយ ប៊ុនសឿន តំណាងឯកឧត្តម កឹម សុខុន និង ឯកឧត្តម សៅ វលក្ខណ៍បានពាំនាំនូវការសាកសួរសុខទុក្ខពីសំណាក់ថ្នាក់ដឹកនាំរបស់ គណបក្សប្រជាប្រជាជនកម្ពុជា ពិសេសសម្ដេច ស ខេង ប្រធាន មូលនិធិ និងជាប្រធានក្រុមការងារ ខេត្តព្រៃវែង ដែលតែងចាត់តំណាង ក្រុមការងារយកមូលនិធិប្រគល់ជូនទូទាំង ស្រុកស៊ីធរកណ្ដាលដោយមិនមានប្រកាន់និន្នាការនយោបាយអ្វីឡើយ ។
ក្រោយពីការសំណេះសំណាលចប់ ក្រុមការងារក៏បាននាំយកថវិកាមូលនិធិ ស ខេង ជូនប្រជាពលទាំង៧ភូមិ ក្នុងឃុំព្នៅ១ ចំនួន៣១នាក់ ដោយក្នុងម្នាក់ៗទទួលបាន ថវិកា ២០ម៉ឺនរៀល និង ប្រគល់ផ្ទះ ១ខ្នង ជូនលោក យាយ ជីម អាយុ៨៣ ឆ្នាំនៅ ភូមិកំព្រៅ ឃុំព្នៅទី១ស្រុកស៊ីធរកណ្តាល ខេត្តព្រៃវែង ផងដែរ៕
ចំនួនអ្នកទស្សនា
- ថ្ងៃនេះ4661
- ម្សិលមិញ7271
- សប្តាហ៍នេះ24131
- ខែនេះ11941
- ឆ្នាំនេះ995161
- សរុប20222607