លោក នុត ពុធដារ៉ា ចូលរួម សំណេះសំណាលជាមួយកម្លាំង កងរាជអាវុធហត្ថខណ្ឌដង្កោ
11-April-2016 | ដោយ មែន កំសត់
ភ្នំពេញ ៖ នៅព្រឹកថ្ងៃ ទី១០ ខែមេសា ឆ្នាំ២០១៦ លោក នុត ពុធដារ៉ា អភិបាល នៃគណៈអភិបាលខណ្ឌដង្កោ បានធ្វើពិធីសំណេះសំណាលជាមួយកម្លាំងកងរាជអាវុធហត្ថខណ្ឌដង្កោ ដើម្បីអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរខាងមុខនេះ។
ពិធីសំណេះសំណាលនេះមានវត្តមានចូលរួម ពីលោក លោក ស្រីជាមន្ត្រី សាលាខណ្ឌ កងរាជអាវុធហត្ថខណ្ឌ កងកម្លាំងនគរបាល ក្នុងខណ្ឌ និង មន្ត្រីសាលា សង្កាត់ជាច្រើននាក់ផងដែរ។
នាឱកាសនោះ លោក នុត ពុធដារ៉ា អភិបាល នៃគណៈអភិបាលខណ្ឌដង្កោបានមានមតិសំណេះសំណាល ទៅកាន់ កងកម្លាំង ដែលបានចូលរួមប្រកបដោយ ភាព ស្និទ្ធស្នាល និងរីករាយបំផុត លោកក៏បានថ្លែងនូវការកោតសរសើរ ដល់កងកម្លាំង ទាំងអាវុធហត្ថ នគរបាលដែលបានលះបង់ ពេលវេលាចូលរួម បេសកកម្មការពារ សន្តិសុខ ជូនប្រជាពលរដ្ឋ ប្រកបដោយភាពសុខក្សេមក្សាន្ត សហការជាមួយអាជ្ញាធរ គ្រប់លំដាប់ថ្នាក់បានល្អប្រសើរ «ដែលជាកម្លាំងស្នូល ដោយយើងមិនអាចខ្វះបាននូវកម្លាំង អាវុធហត្ថ នគរបាល នេះបានឡើយ » ។
ក្រៅអំពីការសំណេះសំណាល លោក អភិបាលខណ្ឌ ក៏បានឧបត្ថម្ភដល់មូលដ្ឋានកងរាជអាវុធហត្ថខណ្ឌ នូវៈ ប្រេងម៉ាស៊ូត ២០០លីត្រ ប្រេងសាំង២០០លីត្រ ស្រាបៀរ១០កេស និងថវិកា ១.៥០០.០០០រៀល រួមជាមួយគ្នានោះ លោក វើក សាមឿន ចៅសង្កាត់ដង្កោ ក៏បានឧបត្ថម្ភថវិកា ២០០ដុល្លា ដល់អង្គភាពកងរាជអាវុធហត្ថផងដែរ៕
ចំនួនអ្នកទស្សនា
- ថ្ងៃនេះ3971
- ម្សិលមិញ7271
- សប្តាហ៍នេះ23441
- ខែនេះ11251
- ឆ្នាំនេះ994471
- សរុប20221917