គណៈបញ្ជាការឯកភាពរដ្ឋបាលខណ្ឌសែនសុខដឹកនាំកម្លាំងល្បាតក្នុង ភូមិសាស្ត្រ ទូទាំងខណ្ឌ
19-April-2016 | ដោយ មែន កំសត់
ភ្នំពេញ៖ ក្រោមការដឹកនាំរបស់លោក ប៉ឹល កុសល ប្រធានគណៈបញ្ជាការឯកភាពរដ្ឋបាលខណ្ឌសែនសុខ នៅយប់ថ្ងៃទី១៨ ខែមេសា ឆ្នាំ២០១៦ លោក ម៉ក់ ហុង អធិការនគរបាលខណ្ឌ និងលោក ព្រុំ ស័ក្តា មេបញ្ជាការកងរាជអាវុធហត្ថខណ្ឌ បានដឹកនាំកម្លាំងល្បាតក្នុងភូមិសាស្ត្រខណ្ឌដែលមានកម្លាំងចូលរួមពី កម្លាំងនគរបាលខណ្ឌកម្លាំងផ្នែក និង កម្លាំងប៉ុស្ដិ៍នគរបាលសង្កាត់បានចេញល្បាតគ្រប់គោលដៅ ដោយប៉ុស្ដិ៍នគរបាល សង្កាត់ក្រាំងធ្នង់ បានឈរជើង ០២គោលដៅ ភូមិសំរោទាវ និង ផ្លូវ២០១០ ជាប់ថ្នល់រថភ្លើង ព្រំប្រទល់ សង្កាត់កាកាប ខណ្ឌពោធិ៍សែនជ័យ និងប៉ុស្តិ៍ នគរបាល សង្កាត់ឃ្មួញ ឈរ ជើង នៅភូមិសែនសុខ និង កន្លែងលក់ខ្យងខាងត្បូងហ្គ្រេនភ្នំពេញ កម្លាំងកងរាជអាវុធហត្ថខណ្ឌមានកម្លាំងមន្ត្រីកងរាជអាវុធហត្ថខណ្ឌចំនួន ០៦នាក់ និងម៉ូតូចំនួន ០៣គ្រឿង ជិះល្បាតក្នុងភូមិសាស្ត្រខណ្ឌសែនសុខ ដើម្បីទប់ស្កាត់ បង្ក្រាបបទល្មើសផ្សេងៗ និងការពារសន្តិសុខ សុវត្ថិភាពដែលអាចកើតមាននៅក្នុងមូលដ្ឋានខណ្ឌជូនប្រជាពលរដ្ឋ ៕
ចំនួនអ្នកទស្សនា
- ថ្ងៃនេះ3631
- ម្សិលមិញ7271
- សប្តាហ៍នេះ23101
- ខែនេះ10911
- ឆ្នាំនេះ994131
- សរុប20221577