លោក ប៉ឹល កុសល បានរៀបចំកិច្ចប្រជុំស្តីពីបញ្ហាប្រឈមផ្សេងៗ របស់មន្ត្រីក្រោមឱវាទ
19-April-2016 | ដោយ មែន កំសត់
ភ្នំពេញ៖ នៅព្រឹកថ្ងៃទី១៨ ខែមេសា ឆ្នាំ២០១៦ រដ្ឋបាលខណ្ឌសែនសុខ បានរៀបចំកិច្ចប្រជុំស្តីពីបញ្ហាប្រឈមផ្សេងៗក្នុងការបំពេញការងារ និងជម្រុញពង្រឹងដឹកនាំការងារ បន្តដល់មន្ត្រីរាជការ នៃការិយាល័យចំណុះខណ្ឌ សែនសុខ រាជធានី ភ្នំពេញ។
កិច្ចប្រជុំនេះមានវត្តមានចូលរួមពី គណៈអភិបាល ខណ្ឌ ក្រុមប្រឹក្សា ខណ្ឌ មន្ត្រី បម្រើការងារនៅសាលាខណ្ឌ ប្រធានការិយាល័យ ចំណុះសាលាខណ្ឌ ចៅសង្កាត់ និងកងកម្លាំងប្រដាប់អាវុធ ស្ថិតក្រោមអធិបតីភាព លោក ប៉ឹល កុសល អភិបាល នៃគណៈអភិបាលខណ្ឌសែនសុខ ។
ក្រោយពីស្ដាប់របាយការណ៍ដែលបានលើកឡើងរបស់បណ្ដាអង្គភាពជុំវិញអាជ្ញាធរ មូលដ្ឋានសង្កាត់ លើបញ្ហាប្រឈមនិងសកម្មភាពការងារដែលបានអនុវត្តន៍កន្លងមក នាឱកាសនោះលោក ប៉ឹល កុសល អភិបាល នៃគណៈអភិបាលខណ្ឌសែនសុខ បានមានមតិលើកឡើងដែរថា៖ ក្នុងនាមរដ្ឋបាលខណ្ឌ និងថ្នាក់ដឹកនាំដោយ ខណ្ឌ ដោយលោកទើបតែបានចូលកាន់តំណែងបានជាងតែ១០ថ្ងៃតែប៉ុណ្ណោះព្រោះពីមុនលោកមានតួនាទីជាប្រធានក្រុមប្រឹក្សាខណ្ឌ គឺពុំបានក្ដាប់នូវជាប់សភាពការណ៍ជុំវិញរដ្ឋបាលរបស់គណៈអភិបាល និងបញ្ហាប្រឈមនានារបស់មន្ត្រី និងសង្កាត់ ប្រជាពលរដ្ឋនោះឡើយ លោក អភិបាលក៏បានបន្ថែមទៀតផងដែរថា៖ចាប់ពីពេលនេះតទៅគ្រប់អង្គភាពត្រូវបន្តអនុវត្តន៍ឲ្យបានត្រឹមត្រូវតាមបទដ្ឋានគតិយុត្តិជាធរមាន ចៀសវាងនូវអំពើល្មើសឬសកម្មភាពអសកម្ម និងការមើលបំណាំគ្នា ជះទឹកដាក់គ្នាធ្វើឲ្យកិច្ចអភិវឌ្ឍន៍មិនមានដំណើរការ ហើយការបម្រើសេវាសាធារណៈមិនមានវិវត្តន៍ប្រែប្រួលទៅមុខទេ ហើយត្រូវចេះទទួលខុសត្រូវ ចំពោះមុខច្បាប់ និងខិតខំបម្រើសេវាជូនប្រជាពលរដ្ឋឲ្យបានល្អនិងមានប្រសិទ្ធភាពខ្ពស់ បើមានករណីណាកើតឡើងត្រូវសហការរួបរួមដោះស្រាយឲ្យបានទាន់ពេលវេលា ដើម្បីឲ្យប្រព័ន្ធរដ្ឋបាលមួយក្លាយជារដ្ឋបាលស៊ីជម្រៅ និង មានទំនុកចិត្តប្រជាពលរដ្ឋនៅមូលដ្ឋានកាត់បន្ថយភាពក្រីក្រក្នុងសង្គម៕
ចំនួនអ្នកទស្សនា
- ថ្ងៃនេះ3611
- ម្សិលមិញ7271
- សប្តាហ៍នេះ23081
- ខែនេះ10891
- ឆ្នាំនេះ994111
- សរុប20221557