ស្នងការនគរបាលរាជធានី ភ្នំពេញ សរុបលទ្ធផលនៃការធ្វើអត្តសញ្ញាណប័ណ្ណសញ្ជាតិខ្មែរ
19-April-2016 | ដោយ មែន កំសត់
ភ្នំពេញ៖ ក្នុងឱកាសមានប្រជាពលរដ្ឋឈប់សម្រាក ថ្ងៃបុណ្យចូលឆ្នាំថ្មីប្រពៃណីខ្មែររយៈពេល៤ថ្ងៃកន្លងមកនេះ មន្ត្រីនគរបាលនៃស្នងការដ្ឋាននគរបាលរាជធានីភ្នំពេញបានសម្រុកធ្វើអត្តសញ្ញាណប័ណ្ណសញ្ជាតិខ្មែរគំរូថ្មីជូនប្រជាពលរដ្ឋភាគច្រើនជាអ្នកធ្វើការងារចំណាកស្រុកបានប្រមាណ៤១០នាក់។
ស្នងការរងនគរបាលរាជធានីភ្នំពេញ ទទួលផែនអត្តសញ្ញាណកម្ម លោក ឧត្តមសេនីយ៍ត្រី មិន សុផេត បានថ្លែងឲ្យដឹងនៅក្នុងថ្ងៃទី១៩ ខែមេសា នេះថា គ្រប់ប្រជាពលរដ្ឋដែលបានមកធ្វើអត្តសញ្ញាណប័ណ្ណក្នុងឱកាសថ្ងៃបុណ្យចូលឆ្នាំថ្មីនោះ គឺភាគីច្រើន ជាប្រជាពលរដ្ឋ ដែលមានភាពរវល់ការងារ ទៅការងារទីឆ្ងាយៗ និងមានមួយចំនួនទៅធ្វើការងារក្រៅប្រទេសផងដែរ។
លោកឧត្តមសេនីយ៍ មិន សុផេត បន្តថា៖ ក្នុងឱកាសថ្ងៃបុណ្យចូលឆ្នាំថ្មីនេះ កងកម្លាំងនគរបាលបានព្យាយាមអស់ហើយ រងចាំប្រជាពលរដ្ឋដែលគ្មានពេលទំនេរ ហើយឈប់សម្រាកក្នុងឱកាសថ្ងៃបុណ្យចូលឆ្នាំថ្មី មកធ្វើអត្តសញ្ញាណប័ណ្ណគំរូថ្មីនេះ ដើម្បីបានប្រើប្រាស់ក្នុងមុខរបរ និងប្រើប្រាស់សម្រាប់បោះឆ្នោតជាដើម។ លោក បញ្ជាក់ថា ប្រជាពលរដ្ឋនៅក្នុងរាជធានីភ្នំពេញដែលត្រូវធ្វើអត្តសញ្ញាណប័ណ្ណ ៩៦ម៉ឺននាក់ ក្នុងនោះនៅមានប្រជាពលរដ្ឋប្រមាណជិត២២ម៉ឺននាក់ទៀត នៅមិនទាន់បានទៅធ្វើអត្តសញ្ញាណប័ណ្ណដែលភាគច្រើនជាប្រជាពលរដ្ឋធ្វើការងារចំណាកស្រុក៕
ចំនួនអ្នកទស្សនា
- ថ្ងៃនេះ3691
- ម្សិលមិញ7271
- សប្តាហ៍នេះ23161
- ខែនេះ10971
- ឆ្នាំនេះ994191
- សរុប20221637