លោក កែវ នឬទ្ធិ ត្រូវបានតែងតាំងជាអភិបាលរងខេត្តកំពង់ចាម
20-April-2016 | ដោយ មែន កំសត់
កំពង់ចាម ៖ នៅសាលប្រជុំសាលាខេត្តកំពង់ចាម នារសៀល ថ្ងៃទី២០ខែមេសា ឆ្នាំ២០១៦បានប្រារព្ធពិធីតែងតាំងមុខតំណែង លោក កែវ ន ឬទ្ធិ ឋានៈនាយករដ្ឋបាលរងជាអភិបាលរង ខេត្តជំនួសឯកឧត្តម ស៊ឹម សុខព្រី ដែលចូលនិវត្តន៍ ក្រោមអធិបតីភាពឯកឧត្តម សក់ សេដ្ឋា រដ្ឋលេខាធិការក្រសួងមហាផ្ទៃតំណាងសម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ។
ពីធីនេះមានការចូលរួមពី ឯកឧត្តម លន់ លឹមថៃ អភិបាលខេត្ត ឯកឧត្តម ខ្លូត ផន ប្រធានក្រុមប្រឹក្សាខេត្ត ឯកឧត្តមលោកជំទាវជាអភិបាលរង ក្រុមប្រឹក្សាខេត្ត មន្ទីរជំនាញជុំវិញខេត្ត កងកម្លាំងទាំង៣ប្រភេទ លោក លោកស្រីជាអភិបាល និង ក្រុមប្រឹក្សាស្រុកក្រុង មេឃុំចៅសង្កាត់ផងដែរ។
បន្ទាប់ពីឯកឧត្តម លន់លឹមថៃ អភិបាលខេត្តកំពង់ចាម បានអានរបាយការណ៏ស្វាគមន៏ពីសកម្មភាពការងារកន្លងមកជូនគណៈអធិបតី រួចមក លោក កែវ ន ឬទ្ធិបានធ្វើការប្តេជ្ញាចិត្តថា នឹងបំពេញការងារដែលថ្នាក់លើប្រគល់ជូន ឲ្យបានសម្រេចគ្រប់ភារកិច្ច ក្នុងនោះធានាឲ្យបានដាច់ខាតនូវរដ្ឋធម្មនុញ្ញច្បាប់ និងលិខិតបទដ្ឋានគតិយុត្តិផ្សេងៗនៃព្រះរាជាណាចក្រកម្ពុជា។ ខិតខំបំពេញការងារអោយអស់ពីសមត្ថភាព និងកម្លាំងកាយចិត្តដើម្បីបម្រើជាតិមាតុភូមិ និងប្រជាពលរដ្ឋ ជាពិសេសក្នុងការថែរក្សាសន្តិភាព សន្តិសុខសណ្តាប់ធ្នាប់សាធារណៈ ការកសាងសមត្ថភាពមន្ត្រីការធ្វើឲ្យប្រសើរឡើងនូវសេវាសាធារណៈ ការអភិវឌ្ឈសេដ្ឋកិច្ច និងហេដ្ឋារចនាសម្ព័ន្ឋតភ្ជាប់ការទាក់ទាញអ្នកវិនិយោគដើម្បី បង្កើនការងារជូនប្រជាពលរដ្ឋ និងកាត់បន្ថយភាពក្រីក្រនៅក្នុងមូលដ្ឋាន។
បង្កើនសាមគ្គីភាពកិច្ចសហការណ៍ និងទំនាក់ទំនងល្អជាមួយគណអភិបាលខេត្ត ក្រុមប្រឹក្សាខេត្ត កងកម្លាំងប្រដាប់អាវុធទាំង៣ប្រភេទ មន្ទីរអង្គភាពជំនាញ ក្រុមប្រឹក្សាក្រុង ស្រុក មេឃុំ ចៅសង្កាត់ ព្រមទាំងមន្ត្រីរាជការគ្រប់លំដាប់ថ្នាក់ ព្រមទាំងភាគីពាក់ព័ន្ឋផ្សេងៗទៀតរួមមាន បណ្តាប្រទេសជាមិត្តវិស័យឯកជន អង្គការជាតិ និងអន្តរជាតិដែលកំពុង ហើយមានសកម្មភាពជាមួយខេត្តតាមការចង្អុលបង្ហាញរបស់ក្រសួងមមហាផ្ទៃ ឯកឧត្តមអភិបាលខេត្តសំដៅរួមគ្នាជំរុញការអភិវឌ្ឈខេត្តកំពង់ចាមឲ្យ បានខ្លាំងក្លា និងលើកកម្ពស់ឧត្តមភាពសេវាសាធារណៈ ដើម្បីរដ្ឋបាលខេត្តអាចបម្រើប្រជាពលរដ្ឋឲ្យបានកាន់តែល្អប្រសើរឡើង និងទទួលបានការទុកចិត្តកោតសរសើស្រលាញ់រាប់អានថែមទៀតពីសំណាក់ ប្រជាពលរដ្ឋនិងរាជរដ្ឋាភិបាល។ក្នុងឳកាសនោះលោកក៏បានថ្លែងអំណរគុណយ៉ាងជ្រាលជ្រៅបំផុតចំពោះ សម្តេចអគ្គមហាសេនាបតីតេជោ ហ៊ុនសែន និងសម្តេចក្រឡាហោម ស ខេង ឯកឧត្តម សក់ សេដ្ឋា ដែលបានផ្តល់ការទុកចិត្តផ្តល់ឳកាសដល់រូបលោកមានភព្វសំណាងទទួល បានតួនាទីដ៏សំខាន់នេះ ។
បន្ទាប់មកឯកឧត្តម សក់ សេដ្ឋា បានផ្តាំផ្ញើដល់លោក កែវ នឬទ្ធិ ត្រូវធ្វើយ៉ាងណាត្រូវបង្កើនទំនាក់ទំនងជាមួយមន្ត្រីនៅក្នុងខេត្ត ឲ្យ កាន់តែមានភាពល្អប្រសើរឡើង។ព្រោះថាការផ្លាស់ប្តូរបទពិសោធន៏គ្នា ទៅវិញទៅមកធ្វើឲ្យយើងកាន់តែទទួលបាននូវប្រសិទ្ធភាពការងារថែម មួយកម្រិតទៀត។ ក្នុងការបំរើប្រជាពលរដ្ឋ៕
ដោយ៖អ៊ាម ហ៊ុយ
ចំនួនអ្នកទស្សនា
- ថ្ងៃនេះ3841
- ម្សិលមិញ7271
- សប្តាហ៍នេះ23311
- ខែនេះ11121
- ឆ្នាំនេះ994341
- សរុប20221787