លោកហែម ដារិទ្ធ អញ្ជើញចូលរួមក្នុងពិធីផ្តល់ឥណទានដល់សហគមន៏ក្រីក្រ ជា ផេង អភិវឌ្ឍន៍
21-April-2016 | ដោយ មែន កំសត់
ភ្នំពេញ៖ នាព្រឹកថ្ងៃទី២០ ខែមេសា ឆ្នាំ២០១៦ លោក ហែម ដារិទ្ធ អភិបាលខណ្ឌពោធិ៍សែនជ័យ បានអញ្ជើញចូលរួមក្នុងពិធីផ្តល់ឥណទានដល់សហគមន៏ក្រីក្រ ជា ផេង អភិវឌ្ឍន៍ នៅភូមិ សាឡូង សង្កាត់ កំបូល ខណ្ឌ ពោធិ៍សែនជ័យ រាជធានីភ្នំពេញ ។
នាឱកាសនោះលោក ហែម ដារិទ្ធ អភិបាលខណ្ឌពោធិ៍សែនជ័យបានលើកឡើងដែរថា៖ នេះជាគម្រោងមូលនិធិអភិវឌ្ឍន៍សហគមន៍អ្នកក្រីក្រ រាជធានីភ្នំពេញ (UPRF) ដែលបានផ្តល់ឥណទានបង្កើតមុខរបរស្មើនឹងទឹកប្រាក់១០០០០ដុល្លា និងសម្រាប់ឥណទានសាងសង់លំនៅឋានចំនួន ១២គ្រួសារ ស្មើនឹងទឹកប្រាក់៤២០០ដុល្លា (ដោយ១គ្រួសារ ៣៥០០ដុល្លា) ដែលនឹងត្រូវសាងសង់ផ្ទះជាសំណង់រឹង ទំហំ ៤គុណ១០ម៉ែត្រ លើទំហំផ្ទៃដី ៥គុណនឹង១៥ម៉ែត្រ។
ឆ្លៀតក្នុងឱកាសនោះឯកឧត្តម ម៉ាន់ ឈឿន សមាជិកព្រឹទ្ធសភា បានឧបត្ថម្ភថវិកាសម្រាប់ជីកអណ្តូងទឹក១តម្លៃ១៥០០ដុល្លា ដែលជាថវិកាបដិភាគពីសប្បុរសជន និងពីសមាជិកសហគមន៍ ដើម្បីទុកប្រើប្រាស់ជាប្រយោជន៍ក្នុងសហគមន៍។ សូមបញ្ជាក់ថាៈ សហគមន៍ ជា ផេង អភិវឌ្ឍន៍ មានប្រជាជនរស់នៅចំនួន ៧៣គ្រួសារ ស្មើនឹង ២២៣នាក់ ប្រុសចំនួន ១៣១នាក់ ហើយគម្រោងផ្តល់ឥណទានខាងលើជាគម្រោងលើទី១ និងជាការសាកល្បងសម្រាប់សហគមន៍នេះ៕
ចំនួនអ្នកទស្សនា
- ថ្ងៃនេះ4551
- ម្សិលមិញ7271
- សប្តាហ៍នេះ24021
- ខែនេះ11831
- ឆ្នាំនេះ995051
- សរុប20222497