ឯកឧត្តម ម៉ម ប៊ុនហេង បានដឹកនាំក្រុមគ្រូពេទ្យ ចុះពិនិត្យព្យាបាលជំងឺទូទៅ នៅខណ្ឌសែនសុខ
21-April-2016 | ដោយ មែន កំសត់
ភ្នំពេញ៖ នៅព្រឹកថ្ងៃទី២១ ខែមេសា ឆ្នាំ២០១៦ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល និង ជាប្រធានក្រុមការងារចុះមូលដ្ឋានខណ្ឌ សែនសុខ និងលោក ថេង សុថុល អភិបាលរងខណ្ឌសែនសុខ តំណាងលោក ប៉ឹល កុសល អភិបាល នៃគណៈអភិបាលខណ្ឌបានដឹកនាំក្រុមគ្រូពេទ្យស្ម័គ្រចិត្តចុះពិនិត្យព្យាបាលជំងឺទូទៅ និងពិនិត្យភ្នែកវាស់វ៉ែនតា ដោយឥតគិតថ្លៃជូនប្រជាពលរដ្ឋប្រមាណ ១.០០០នាក់ ស្ថិតក្នុងបរិវេណ វត្តសំរោងអណ្តែត ខណ្ឌសែនសុខ រាជធានីភ្នំពេញ ។
លោក ថេង សុថុល អភិបាលរងខណ្ឌសែនសុខបានលើកឡើងថា៖សាលាខណ្ឌសែនសុខ មានក្ដីសោមនស្សរីករាយដ៏ថ្លៃថ្លាដែលបានក្រុមគ្រូពេទ្យស្ម័គ្រចិត្តចុះពិនិត្យព្យាបាលជំងឺទូទៅ និងពិនិត្យភ្នែកវាស់វ៉ែនតា ដោយឥតគិតថ្លៃ លោកក៏បានសម្ដែងនូវការអរគុណចំពោះឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាលដែលតែងតែគិតគូរអំពីបញ្ហាសុខភាព របស់ប្រជាពលរដ្ឋនៅមូលដ្ឋានខណ្ឌសែនសុខ ពិសេសក្នុងទឹកដី សង្កាត់ភ្នំពេញថ្មី ព្រមទាំងមានការចូលរួមយ៉ាងច្រើនកុះករពីបងប្អូនប្រជាពលរដ្ឋ ចូលរួម លើការពិនិត្យនិងព្យាបាលជម្ងឺទូទៅរួមទាំងមានការពិនិត្យ ភ្នែក និងវាស់វ៉ែនតា ជូនផងដែរ សកម្មភាពទាំងអស់នេះគឺដោយសារការដឹកនាំប្រកបដោយកិត្តិបណ្ឌិត របស់ប្រមុខរាជរដ្ឋាភិបាល ដែលមានសម្ដេច តេជោហ៊ុន សែន ជានាយករដ្ឋមន្ត្រី សម្ដេចបានអភិវឌ្ឍន៍ប្រទេសជាតិ មានសុខសន្តិភាព ស្ថេរភាព និងកាត់បន្ថយភាពក្រីក្រនៅមូលដ្ឋានស្របតាមគោលនយោបាយយុទ្ធសាស្ត្ររបស់ស្ថាប័នក្រសួង ក៏ដូចជាគោលនយបាយរបស់ថ្នាក់ជាតិ៕
ចំនួនអ្នកទស្សនា
- ថ្ងៃនេះ3721
- ម្សិលមិញ7271
- សប្តាហ៍នេះ23191
- ខែនេះ11001
- ឆ្នាំនេះ994221
- សរុប20221667