អភិបាលរាជធានីភ្នំពេញ៖ខណ្ឌទាំង១២ត្រូវ ជួសជុសផ្លូវដោយខ្លួនឯង តាមមូលដ្ឋាន
21-April-2016 | ដោយ មែន កំសត់
ភ្នំពេញ៖ អភិបាលរាជធានីភ្នំពេញ ឯកឧត្តម ប៉ា សុជាតិវង្ស បានប្រកាសប្រគល់ការងារជូនអភិបាលខណ្ឌទាំង១២ ត្រូវទទួលខុសត្រូវលើការជួសជុលផ្លូវដោយខ្លួន តាមមូលដ្ឋាន ប៉ុន្តែការចំណាយនៃការជួសជុលផ្លូវនោះ គឺសាលារាជធានីភ្នំពេញ ជាអ្នកចេញ។
ការប្រកាសទម្លាក់ការងារជួសជុលផ្លូវបស់អភិបាលរាជធានីភ្នំពេញ ខាងលើនេះ បានធ្វើឡើងនៅក្នុងកិច្ចប្រជុំភាក្សា ក្នុងការដោះស្រាយការកកស្ទះចរាចរ ក្នុងរាជធានីភ្នំពេញសព្វថ្ងៃ និងការងារផ្តល់សេវាសាធារណៈជូនប្រជាពលរដ្ឋ នាព្រឹកថ្ងៃទី២១ ខែមេសា ឆ្នាំ២០១៦នេះ។
ឯកឧត្តម ប៉ា សុជាតិវង្ស បានបញ្ជាក់ថា «នេះជាម៉ែត្រ វាស់ស្ទង់សមត្ថភាពការងារ របស់អស់លោកហើយ តើអាចធ្វើបាន ឫមិនបាន ហើយបើធ្វើការងារនេះមិនបានទេ សូមដើរចេញទៅ»។
ជាមួយគ្នានេះ អភិបាលរាជធានីភ្នំពេញ ក៏បានទម្លាក់ការទទួលខុសត្រូវមួយផ្នែក ដើម្បីឲ្យអភិបាលខណ្ឌ ចូលរួមថែរក្សា និងទទួលខុសត្រូវ ចំពោះចំណុចភ្លើងស្តុប ដែលមាននៅក្នុងមូលដ្ឋានរៀងៗខ្លួនផងដែរ ជាពិសេសស្នើដល់អភិបាលខណ្ឌទាំងអស់ ចូលរួមដោះស្រាយការកក និងសម្រួលស្ទះចរាចរណ៍។ឯកឧត្តម ប៉ា សុជាតិវង្ស ក៏បានបញ្ជាឲ្យអភិបាលខណ្ឌ ត្រូវចុះស្តារ អណ្តូងលូឲ្យបានមុនរដូវភ្លៀងធ្លាក់ផងដែរ៕
ចំនួនអ្នកទស្សនា
- ថ្ងៃនេះ3981
- ម្សិលមិញ7271
- សប្តាហ៍នេះ23451
- ខែនេះ11261
- ឆ្នាំនេះ994481
- សរុប20221927