អាជ្ញាធរ សង្កាត់ស្ទឹងមានជ័យធ្វើការផាកពិន័យចំពោះអ្នកយកសំរាមមកបោះចោលនៅលើផ្លូវសាធារណៈ
23-April-2016 | ដោយ មែន កំសត់
ភ្នំពេញ៖ នៅល្ងាចថ្ងៃទី២២ខែមេសាឆ្នាំ២០១៦នេះ អាជ្ញាធរ សង្កាត់ស្ទឹងមានជ័យចាប់ផ្តើមធ្វើការផាកពិន័យចំពោះអ្នកយកសំរាមមកបោះចោលនៅលើផ្លូវសាធារណៈនៅចំណុចផ្លូវ២១៧ ជិតស្តុបស្ពានម័លស្ថិតនៅភូមិឫស្សី សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
អាជ្ញាធរ សង្កាត់ស្ទឹងមានជ័យ បានដាក់បំរាមការទុកដាក់សំរាម៖
១ /របៀបទុកដាក់ សំអាត និងចាក់សំរាម
-ត្រូវទុកដាក់សំរាមនៅក្នុងធុង កញ្ឆេ ឬ ក្នុងថង់ប្លាស្ទិក។
-ត្រូវចងមាត់ថង់សំរាមឲ្យជិត និងទុកដាក់ឲ្យបានត្រឹមត្រូវ
-ត្រូវសំអាតមុខផ្ទះ មុខទីតាំង កន្លែងទុកដាក់សំរាមនិងមាត់លូខាងមុខផ្ទះជាប្រចាំ
២ /កន្លែងចាក់សំរាម
-បើផ្ទះនៅតាមផ្លូវធំ សំរាមដែលវេចខ្ចប់ហើយ
ត្រូវដាក់នៅមុខផ្ទះរៀងខ្លួន។
-បើផ្ទះនៅតាមច្រកផ្លូវតូច ឬឌឿងហែម រថយន្តចូលមិនដល់ត្រូវដាក់សំរាមនៅមុខផ្ទះឬមុខជណ្តើរដើម្បីឲ្យរទេះអូសសំរាមចូលទៅយក
៣ /ពេលវេលាចាក់សំរាម
-សំរាមអាចបញ្ចេញនិងចាក់បាននៅថ្ងៃដែល
បានកំណត់ពេលរថយន្តមកដឹកប៉ុណ្ណោះ
-សំរាមអាចបញ្ចេញឬចាក់បានតែក្នុងរយៈ
ពេលខ្លីគឺ១ម៉ោងមុនឡានសំរាមមកប្រមូល
៤ /ការហាមប្រាម
-មិនត្រូវចាក់សំរាមចោលផ្ទាល់ទៅលើដី
-មិនត្រូវបោះសំរាមចោលតាមដងផ្លូវ ទីសាធារណៈ និងក្រុងទីផ្សារឡើយ
-មិនត្រូវទុកសំរាមចោលឲ្យរាយប៉ាយ ហូរទឹកស្អុយកង្វក់នៅមុខផ្ទះឬជុំវិញលំនៅដ្ឋានឡើយ។
-មិនត្រូវយកសំរាមទៅចាក់នៅតំបន់អ្នកដ៏ទៃ
-មិនត្រូវចាក់សំរាមខុសថ្ងៃនិងពេលវេលាកំណត់
-ប្រសិនបើលោកអ្នកខកខានមិនបានចាក់
សំរាមតាមពេលម៉ោងដែលបានកំណត់ សូមរងចាំចាក់សំរាមនៅវេនលើកក្រោយទៀត៕
ចំនួនអ្នកទស្សនា
- ថ្ងៃនេះ4531
- ម្សិលមិញ7271
- សប្តាហ៍នេះ24001
- ខែនេះ11811
- ឆ្នាំនេះ995031
- សរុប20222477