លោក មូល វីរៈចុះចែកអត្តសញ្ញាណប័ណ្ណសញ្ជាតិខ្មែរតាមខ្នងផ្ទះ
23-April-2016 | ដោយ មែន កំសត់
ភ្នំពេញ៖ នារសៀលថ្ងៃទី ២២ខែមេសាឆ្នាំ២០១៦ ម្សិលម៉ិញនេះ លោក មូល វីរៈ ចៅសង្កាត់ឫស្សីកែវ បានអនុវត្តបន្តការចុះសួរសុខទុក្ខ និងនាំយកនូវអត្តសញ្ញាណប័ណ្ណសញ្ជាតិខ្មែរ ប្រភេទថ្មី (ឈីប) មកផ្តល់ជូនបងប្អូន ប្រជាពលរដ្ឋ ដល់លំនៅដ្ឋានរបស់គាត់ផ្ទាល់ នៅក្នុងភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ភាពសប្បាយរីករាយរបស់បងប្អូន ប្រជាពលរដ្ឋនាពេលនោះបានបង្ហាញឲ្យឃើញពីការពេញចិត្តយ៉ាងក្រៃលែង នៅពេលដែលឃើញថ្នាក់ដឹកនាំមូលដ្ឋានសង្កាត់ ជាពិសេសលោកចៅសង្កាត់ឫស្សីកែវ បានចុះសួរសុខទុក្ខ សំណេះសំណាល និងយកអត្តសញ្ញាណប័ណ្ណរបស់ពួកគាត់ មកជូនគាត់ដោយផ្ទាល់ដល់ផ្ទះបែបនេះ។ ទន្ទឹមនឹងនេះដែរ លោក មូល វីរៈ ចៅសង្កាត់ឫស្សីកែវ បានក៏បានណែនាំឲ្យពួកគាត់ថែរក្សាអត្តសញ្ញាណប័ណ្ណឲ្យបានល្អ និងប្រើប្រាស់តែអាថតចម្លងបានហើយ ជៀសវាងការបាត់បង់ដោយប្រការណាមួយ ហើយក៏សូមឲ្យជួយផ្សព្វផ្សាយទៅដល់បងប្អូន ប្រជាពលរដ្ឋណាដែលមិនទាន់បានប្តូរ មិនទាន់បានធ្វើ សូមឲ្យរួសរាន់មកកាន់ប៉ុស្តិ៍រដ្ឋបាលឫស្សីកែវ ដើម្បីបំពេញបែបបទប្តូរ និងធ្វើថ្មីទាំងអស់គ្នា។ ឆ្លៀតក្នុងឱកាសនោះដែរលោកចៅសង្កាត់ ក៏បានទទួលយកនូវសំណូមពររបស់បងប្អូន ប្រជាពលរដ្ឋ ដើម្បីមកធ្វើការពិភ្សានិងដោះស្រាយ ផងដែរ៕
ចំនួនអ្នកទស្សនា
- ថ្ងៃនេះ3701
- ម្សិលមិញ7271
- សប្តាហ៍នេះ23171
- ខែនេះ10981
- ឆ្នាំនេះ994201
- សរុប20221647