សាលាខណ្ឌឬស្សីកែវ រៀបចំកិច្ចប្រជុំផ្សព្វផ្សាយពីស្មារតីអង្គប្រជុំរបស់រាជធានីភ្នំពេញ
23-April-2016 | ដោយ មែន កំសត់
ភ្នំពេញ ៖ នៅរសៀលថ្ងៃទី២១ ខែមេសា ឆ្នាំ២០១៦ រដ្ឋបាលខណ្ឌឫស្សីកែវ បានបើកកិច្ចប្រជុំផ្សព្វផ្សាយពីស្មារតីអង្គប្រជុំរបស់រាជធានីភ្នំពេញ ក្រោមអធិបតីភាពលោក ជា ពិសី អភិបាល នៃគណៈអភិបាលខណ្ឌឬស្សីកែវ។
កិច្ចប្រជុំមានការអញ្ជើញចូលរួមពីលោក-លោកស្រីអភិបាលរងខណ្ឌ, ប្រធាន-អនុប្រធានការិយាល័យចំណុះរចនាសម្ព័ន្ធ, ប្រធានការិយាល័យ ដែ នដី សំណង់ ភូមិបាលខណ្ឌ លោកចៅសង្កាត់ទាំង៦, ប្រធាន-អនុប្រធានសណ្តាប់ធ្នាប់ខណ្ឌ សរុបចំនួន ២៥នាក់ ។ហើយ កិច្ចប្រជុំនេះ មានរបៀបវារៈចំនួន ០៣៖១. ការកកស្ទះចរាចរណ៍ /២. ការងារសាធារណការ/៣. ការផ្តល់សេវាជូនប្រជាពលរដ្ឋ ។
ក្រោយពីស្ដាប់តាមការលើកឡើងរបស់ចៅសង្កាត់និងការិយាល័យដែលពាក់ព័ន្ធនិងបទបង្ហាញជុំវិញលើការងារប្រឈមមួយចំនួនរួចមក នាឱកាសនោះលោក ជា ពិសី អភិបាល នៃគណៈអភិបាលខណ្ឌឬស្សីកែវ បានមានមតិស្នើដល់អ្នកដែលពាក់ព័ន្ធត្រូវបន្តរួមគ្នាអនុវត្តន៍គោលនយោបាយតាមច្បាប់កំណត់របស់រាជរដ្ឋាភិបាល ពិសេស លើការងារសន្តិសុខ សង្គម ការបម្រើសេវាសារធារណៈនៅមូលដ្ឋានឲ្យបានល្អប្រសើរ ដើម្បីកែប្រែប្រព័ន្ធរដ្ឋបាលនៅថ្នាក់ក្រោមជាតិឲ្យបានស៊ីជម្រៅតាមយុទ្ធសាស្ត្រ របស់រាជរដ្ឋាភិបាលដែលបានដាក់ជូន៕
ចំនួនអ្នកទស្សនា
- ថ្ងៃនេះ3251
- ម្សិលមិញ7271
- សប្តាហ៍នេះ22721
- ខែនេះ10531
- ឆ្នាំនេះ993751
- សរុប20221197