លោក ផេន សុផល បានរៀបចំកិច្ចប្រជុំផ្ទៃក្នុង ពាក់ពន្ធ័នឹង កិច្ចការរដ្ឋបាល
25-April-2016 | ដោយ មែន កំសត់
កំពង់ចាម ៖ នៅព្រឹក ថ្ងៃទី២៥ ខែ មេសា ឆ្នាំ២០១៦ វេលាម៉ោង ៨និង៣០ នាទីព្រឹក រដ្ឋបាលសាលាស្រុកកោះសូទិន បានរៀបចំកិច្ចប្រជុំផ្ទៃក្នុង ពាក់ពន្ធ័នឹងកិច្ចការរដ្ឋបាលដែលអនុវត្តន៍ប្រចាំថ្ងៃក្រោមអធិបតីភាព លោក ផេន សុផល អភិបាលនៃគណៈ អភិបាលស្រុកកោះសូទិន។
កិច្ចប្រជុំនេះ មានសមាសភាពចូលរួមពី លោក លោកស្រី អភិបាលរងស្រុក លោកស្រីនាយករដ្ឋបាល លោកលោកស្រី ប្រធានការិយាល័យចំណុះសាលាស្រុក លោក លោកស្រីស្មៀនឃុំទាងអស់ក្នុងស្រុកផងដែរ។ក្រោយពី ស្ដាប់របាយការណ៍របស់បណ្ដា អង្គភាព ការិយាល័យមន្ត្រី ក្រោមឱវាទ លើការបំពេញ សកម្មភាពការងារ រដ្ឋបាលនាពេលកន្លងមក នាឱកាស នោះលោក ផេន សុផល អភិបាលនៃគណៈ អភិបាលស្រុកកោះសូទិន បានមានមតិលើកឡើងដែរថា៖ គ្រប់អង្គភាព ការិយាល័យជំនាញ ស្មៀនឃុំ និង មន្ត្រី រាជការសាលាស្រុកត្រូវប្រតិបត្តិឲ្យបានខ្ជាប់ខ្ជួន ក្នុងការងារ ក្នុងនាម អង្គភាព ប្រជាពលរដ្ឋ និង ចំពោះមុខក្រសួង មិនធ្វើការប្រាសចាកសីលធម៌ ផ្ទុយពីច្បាប់ ដឹងតួនាទីភារកិច្ច របស់ខ្លួន ចំពោះការបម្រើសេវាសាធារណៈត្រូវមានវិជ្ជាជីវៈជំនាញប្រកបដោយភាពទទួលខុសត្រូវខ្ពស់ ធានាបាននិរន្តរភាព រដ្ឋបាល មានរបបរាយការណ៍ជាប្រចាំ មិនស្ទក់មិនបង្អង់ និយាយឲ្យចំបើមានសភាពការណ៍ត្រូវរាយការណ៍ឲ្យបានទាន់ពេល ក្ដាប់ឲ្យជាប់នូវស្ថានការណ៍ ដោយសហការជាមួយប៉ុស្ដិ៍នគរបាល មេភូមិ និងរាយការណ៍ព័ត៌មានដែលទទួលបានមករដ្ឋបាលស្រុក ដើម្បី ដោះស្រាយនិងអន្តរាគមន៍បន្ត ៕
ចំនួនអ្នកទស្សនា
- ថ្ងៃនេះ3311
- ម្សិលមិញ7271
- សប្តាហ៍នេះ22781
- ខែនេះ10591
- ឆ្នាំនេះ993811
- សរុប20221257