រដ្ឋបាលខណ្ឌដង្កោ រៀបចំកិច្ចប្រជុំវាយតម្លៃផ្តល់សៀវភៅស្នាក់នៅ និងអត្តសញ្ញាណប័ណ្ណ
25-April-2016 | ដោយ មែន កំសត់
ភ្នំពេញ៖ នាព្រឹក ថ្ងៃ ទី២៥ ខែ មេសា ឆ្នាំ២០១៦ រដ្ឋបាលខណ្ឌ ដង្កោ បានសហការជាមួយអគ្គនាយកដ្ឋានអត្តសញ្ញាណកម្មក្រសួងមហាផ្ទៃ រៀបចំកិច្ចប្រជុំវាយតម្លៃផ្តល់សៀវភៅស្នាក់នៅ និងអត្តសញ្ញាណប័ណ្ណ ជូនប្រជាពលរដ្ឋ ដែលរស់នៅក្នុងតំបន់មិនរៀបរយ និង កម្មករកម្មការិនី ដែលស្នាក់នៅអចិន្ត្រៃយ៍ក្នុងមូលដ្ឋាន។
កិច្ចប្រជុំនេះមានការចូលរួមពី លោក លោកស្រី អភិបាលរងខណ្ឌ ការិយាល័យសាលាខណ្ឌ អធិការនគរបាលខណ្ឌ នាយប៉ុស្តិ៍ នគរបាល ក្រុមប្រឹក្សាសង្កាត់ និងលោកលោកស្រីជា មន្ត្រីដែលពាក់ព័ន្ធ ច្រើននាក់ផងដែរស្ថិត ក្រោមអធិបតីភាព លោកឧត្តមសេនីយ៍ត្រី ពៅ មុន្នី អនុប្រធាននាយកដ្ឋាន នៃអគ្គនាយកដ្ឋានអត្តសញ្ញាណកម្មក្រសួងមហាផ្ទៃ និង លោក នុត ពុធដារ៉ា អភិបាល នៃគណៈអភិបាលខណ្ឌដង្កោ ។
នាឱកាសនោះលោក នុត ពុធដារ៉ា អភិបាល នៃគណៈអភិបាលខណ្ឌដង្កោបានថ្លែងនូវរបាយការណ៍ស្វាគមន៍ជូនដល់ប្រធាននាយកដ្ឋាន នៃអគ្គនាយកដ្ឋានអត្តសញ្ញាណកម្មក្រសួងមហាផ្ទៃស្ដីពីសកម្មភាពការងារ ដែលសមត្ថកិច្ច និងអាជ្ញាធរជំនាញនៃផែនស្ដិតិ សៀវភៅស្នាក់នៅ និងអត្តសញ្ញាណប័ណ្ណរបស់ខណ្ឌ ដង្កោ មានមតិសំណេះសំណាលទៅកាន់អ្នកចូលរួម លោកឧត្តមសេនីយ៍ត្រី ពៅ មុន្នី អនុប្រធាននាយកដ្ឋាន នៃអគ្គនាយកដ្ឋានអត្តសញ្ញាណកម្មក្រសួងមហាផ្ទៃបានសម្ដែងការកោតសរសើរចំពោះក្រុមការងារ ពិសេសជំនាញផ្នែក ផែនស្ដិតិ សៀវភៅស្នាក់នៅ និងអត្តសញ្ញាណប័ណ្ណរបស់ខណ្ឌ ដង្កោរួមទាំងលោកអភិបាលខណ្ឌ សង្កាត់ ដែលបានចូលរួមអនុវត្តន៍ការងារទទួលបាមលទ្ធផលល្អប្រសើរ និងមានប្រសិទ្ធភាពខ្ពស់ លោកប្រធាននាយកដ្ឋានបានស្នើដល់គ្រប់អង្គភាពត្រូវតបន្ត ការយកចិត្តទុកដាក់ចំពោះប្រជាពលរដ្ឋ ដែលរស់នៅក្នុងតំបន់មិនរៀបរយ និង កម្មករកម្មការិនី ដែលស្នាក់នៅអចិន្ត្រៃយ៍ក្នុងមូលដ្ឋាន ត្រូវបម្រើសេវាមុខសញ្ញាលើការផ្ដល់ជូនពួកគាត់ប្រកបដោយ ការទទួលខុសត្រូវខ្ពស់ និងស្របតាមផែនការយុទ្ធសាស្ត្រ កាត់បន្ថយភាពក្រីក្ររបស់ក្រសួង មហាផ្ទៃ និងរាជរដ្ឋាភិបាល សម្រាប់អភិវឌ្ឍន៍សង្គមជាតិ នាពេលអនាគត៕
ចំនួនអ្នកទស្សនា
- ថ្ងៃនេះ3091
- ម្សិលមិញ7271
- សប្តាហ៍នេះ22561
- ខែនេះ10371
- ឆ្នាំនេះ993591
- សរុប20221037