សាលាសង្កាត់វាលវង់ បើក កិច្ចប្រជុំ គណៈកម្មាធិកាកិច្ចការនារី និង កុមារ ប្រចាំខែ មេសា
28-April-2016 | ដោយ មែន កំសត់
ភ្នំពេញ ៖ នៅថ្ងៃទី ២៨ ខែ មេសា ឆ្នាំ ២០១៦ វេលាម៉ោង ៨និង៣០ ព្រឹក នៅសាលាសង្កាត់វាលវង់ ខណ្ឌ៧មករា រាជធានីភ្នំពេញ បានបើកកិច្ចប្រជុំ គណៈកម្មាធិកាកិច្ចការនារី និង កុមារ ប្រចាំខែ មេសា ក្រោមអតិបតីភាព លោកស្រី កែវ សាកល ចៅសង្កាត់វាលវង់ ។
កិច្ចប្រជុំមានវត្តមានចូលរួមពី លោក លោកស្រី សមាជិកគណៈកម្មាធិការកិច្ចការនារី សង្កាត់ តំណាងសមាគមនារីខណ្ឌ ចៅសង្កាត់រង ជនបង្គោលនារី សង្កាត់ ប្រធានមណ្ឌលសុខភាព លោក នាយក នាយករង សាលាបឋម អនុវិទ្យល័យ នាយប៉ុស្តិ៍នគរបាល និងមេភូមិ ផងដែរ។
បន្ទាប់ពីសមាជិកបង្គោលនារី សង្កាត់ បានលើកឡើងនិងបង្ហាញនូវរបាយការណ៍ វឌ្ឍនភាព របស់( គ ក ន ក) ប្រចាំខែមករា និងការងារសម្រេច បាន បញ្ហាប្រឈមរបស់គណៈកម្មាធិការ ជូនអង្គប្រជុំរួចមក នាឱកាសនោះ លោកស្រី កែវ សាកល ចៅសង្កាត់វាលវង់ និងជាប្រធានគណៈកម្មាធិការ បានមានមតិនិងបានថ្លែងនូវការកោតសរសើរដល់សមាជិកសមាជិកា ដែលបានយកចិត្តទុកដាក់ ក្នុងការអនុវត្តន៍ការងារប្រកបដោយ ភាពទទួលខុសត្រូវខ្ពស់ ហើយលោកស្រី ក៏បានស្នើដល់គណៈកម្មាធិការត្រូវបន្តការយកចិត្តទុកដាក់និង សហការគ្នាជាមួយក្រុមប្រឹក្សាសង្កាត់ សមត្ថកិច្ច រៀបចំផែនការ លើការងារ យ៉េនឌ័រ ស្ត្រី កុមារ ការអប់រំសុខភាព ការបញ្ជ្រាប គោលនយបាយ ផ្សេងៗ និងការងារបន្តចុះសំបុត្រកំណើតដល់ទារក ការណែនាំការងារគ្រឿងញៀន ចរាចេណ៍ អំពើហិង្សា ការជួញដូរស្ដ្រី កុមារ ភូមិសង្កាត់មានសុវត្ថិភាព ការចាក់វ៉ាក់សាំង ស្ដ្រី កុមារ ការសម្រាក សម្រាលកូននៅមណ្ឌលសុខភាព និងផែនការ អនាម័យ មូលដ្ឋាន ផ្សេងៗ ឲ្យស្របតាមគោលការណ៍ណែនាំរសស់ក្រសួងកិច្ចការនារី ពិសេសលើការចំណាកស្រុកទៅក្រៅប្រទេស ។
បន្ទាប់មកលោកស្រីចៅសង្កាត់ក៏បានថ្លែងអំណរគុណចំពោះលោក លោកស្រីដែលបានចំណាយពេលមកចូលរួមប្រជុំប្រកបដោយភាពស្និទ្ធស្នាលបំផុត ៕
ចំនួនអ្នកទស្សនា
- ថ្ងៃនេះ3171
- ម្សិលមិញ7271
- សប្តាហ៍នេះ22641
- ខែនេះ10451
- ឆ្នាំនេះ993671
- សរុប20221117