កិច្ចប្រជុំប្រចាំខែមេសាឆ្នាំ២០១៦លើកទី៤៥ អាណត្តិទី៣របស់ក្រុមប្រឹក្សាសង្កាត់ ពញាពន់
29-April-2016 | ដោយ មែន កំសត់
ភ្នំពេញ៖ នៅព្រឹក ថ្ងៃទី២៩ ខែមេសា ឆ្នាំ២០១៦ នៅ សាលា សង្កាត់ពញាពន់ បានបើកកិច្ចប្រជុំប្រចាំខែមេសាឆ្នាំ២០១៦លើកទី៤៥ អាណត្តិទី៣របស់ក្រុមប្រឹក្សាសង្កាត់ ពញាពន់ ខណ្ឌព្រែកព្នៅ រាជធានីភ្នំពេញ។
កិច្ចប្រជុំនេះមានវត្តមានចូលរួមពីលោក លោកស្រី សមាជិក ក្រុមប្រឹក្សា សង្កាត់ មន្ត្រីជំនាញ ជុំវិញ សាលាសង្កាត់ នាយប៉ុស្តិ៍នគរបាលរដ្ឋបាលសង្កាត់ មេភូមិ និងប្រធានសណ្ដាប់ធ្នាប់សង្កាត់ ផងដែរ មអធិបតីភាពលោក គូ អឿន ប្រធានក្រុមប្រឹក្សាសង្កាត់ និងជាចៅសង្កាត់ពញាពន់។
ក្រោយពីស្ដាប់របាយការណ៍របស់ថ្នាក់រដ្ឋបាលសង្កាត់ ជុំវិញបញ្ហាប្រឈមនិងតម្រូវការចាំបាច់លោក គូ អឿន ប្រធានក្រុមប្រឹក្សាសង្កាត់និងជាចៅសង្កាត់ពញាពន់ បានមានមតិ និងដាក់ផែនការជូនដល់បណ្ដាអង្គភាពដើម្បីអនុវត្តន៍បន្ត គឺត្រូវយកចិត្តទុកដាក់លើការងារសន្តិសុខសណ្ដាប់ធ្នាប់សាធារណៈ ការបម្រើសេវា សាធារណៈជូនប្រជាពលរដ្ឋនៅមូលដ្ឋាន ការយកចិត្តទុកដាក់កិច្ចអភិវឌ្ឍន៍ ការចុះប្រជុំផ្សព្វផ្សាយឲ្យបានទូលាយនូវគោលការណ៍ច្បាប់ ពិសេស គ្រោះថ្នាក់ចរាចរណ៍ ការងាររដ្ឋបាលលិខិតស្នាមមានសៀវភៅគ្រួសារ អត្តសញ្ញាណបណ្ណនិងអត្រានុកូលដ្ឋានតាមកម្រៃសេវាច្បាប់ រាល់ចំណុចអសកម្មភាពត្រូវធ្វើការកែតម្រូវ ដើម្បីចូលរួមកិច្ចអភិវឌ្ឍន៍និងកាត់បន្ថយភាពក្រីក្រនៅក្នុងមូលដ្ឋាន៕
ចំនួនអ្នកទស្សនា
- ថ្ងៃនេះ3241
- ម្សិលមិញ7271
- សប្តាហ៍នេះ22711
- ខែនេះ10521
- ឆ្នាំនេះ993741
- សរុប20221187