សាលាខណ្ឌដូនពេញ មានបើកកិច្ចប្រជុំសាមញ្ញលើកទី២៣ របស់ក្រុមប្រឹក្សាខណ្ឌ
29-April-2016 | ដោយ មែន កំសត់
ភ្នំពេញ៖ នៅថ្ងៃទី២៩ ខែមេសា ឆ្នាំ២០១៦ ០៨និង៣០នាទីព្រឹក នៅសាលប្រជុំសាលាខណ្ឌដូនពេញ មានបើកកិច្ចប្រជុំសាមញ្ញលើកទី២៣ របស់ក្រុមប្រឹក្សាខណ្ឌដូនពេញអាណត្តិទី២ក្រោមអធិបតីភាព លោក ហែម អាន ប្រធានក្រុមប្រឹក្សាខណ្ឌដូនពេញ និងជាប្រធានអង្គប្រជុំ ។
កិច្ចប្រជុំនេះមានវត្តមានចូលរួមពី លោកគួច ចំរើន អភិបាលនៃគណៈអភិបាលខណ្ឌដូនពេញនិងមានការចូលរួមពីសមាជិក សមាជិកាក្រុមប្រឹក្សាខណ្ឌដូនពេញ គណៈអភិបាលខណ្ឌ តំណាងអធិការនគរបាលខណ្ឌ តំណាងមេបញ្ជាការកងរាជអាវុធហត្ថខណ្ឌ នាយក នាយករងរដ្ឋបាល ចៅសង្កាត់ទាំង១១ ប្រធាន និងតំណាងទីរួមផ្សារទាំង៣ ប្រធាន-អនុប្រធានការិយាល័យចំណុះ និងប្រធានការិយាល័យជំនាញជុំវិញខណ្ឌ ព្រមទាំងតំណាងប្រជាពលរដ្ឋច្រើននាក់ផងដែរ។
អង្គប្រជុំបានធ្វើការពិនិត្យនិងឆ្លងរបៀបវារៈមានដូចជា៖- ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី២២ របស់ក្រុមប្រឹក្សាខណ្ឌដូនពេញ អាណត្តិទី២- ពិនិត្យ និងអនុម័តសេចក្តីព្រាងរបាយការណ៍ប្រចាំខែមេសា ស្តីពីការអនុវត្តការងាររបស់រដ្ឋបាលឆ្នាំ២០១៦- ពិនិត្យ និងអនុម័តសេចក្តីព្រាងផែនការអន្តរាគមន៍អភិវឌ្ឍស្ថាប័នរយៈពេលបីឆ្នាំ (២០១៦-២០១៨) របស់រដ្ឋបាលខណ្ឌដូនពេញ- ពិនិត្យ និងអនុម័តសេចក្តីព្រាងតារាងបែងចែកប្រាក់រង្វាន់លើកទឹកចិត្តប្រចាំខែមេសា ឆ្នាំ២០១៦ ដែលបានមកពីការផ្តល់សេវារដ្ឋបាលសម្រាប់ឧបត្ថម្ភជូនមន្ត្រី បុគ្គលិក នៃរដ្ឋបាលខណ្ឌដូនពេញ - ការងារផ្សេងៗ -ផ្សព្វផ្សាយប្រកាសលេខ ២៩៤៣ ប្រ.ក របស់ក្រសួងមហាផ្ទៃ ស្តីពីការផ្លាស់ប្តូរកន្លែងធ្វើការរបស់មន្ត្រីរាជការ មកបំរើការនៅខណ្ឌដូនពេញ។
អង្គប្រជុំបានដំណើរការប្រកបដោយភាពរលូននាឱកាសនោះលោក ហែម អាន ប្រធានក្រុមប្រឹក្សាខណ្ឌដូនពេញបាន មានមតិ និងដាក់ផែនការជូនដល់បណ្ដាអង្គភាពដើម្បីអនុវត្តន៍បន្ត គឺត្រូវយកចិត្តទុកដាក់លើការងារសន្តិសុខសណ្ដាប់ធ្នាប់សាធារណៈ ការបម្រើសេវា សាធារណៈជូនប្រជាពលរដ្ឋនៅមូលដ្ឋាន ការយកចិត្តទុកដាក់កិច្ចអភិវឌ្ឍន៍ ការចុះប្រជុំផ្សព្វផ្សាយឲ្យបានទូលាយនូវគោលការណ៍ច្បាប់ ពិសេស គ្រោះថ្នាក់ចរាចរណ៍ ការងាររដ្ឋបាលលិខិតស្នាមមានសៀវភៅគ្រួសារ អត្តសញ្ញាណបណ្ណនិងអត្រានុកូលដ្ឋានតាមកម្រៃសេវាច្បាប់ រាល់ចំណុចអសកម្មភាពត្រូវធ្វើការកែតម្រូវ ដើម្បីចូលរួមកិច្ចអភិវឌ្ឍន៍និងកាត់បន្ថយភាពក្រីក្រនៅក្នុងមូលដ្ឋាន៕
ចំនួនអ្នកទស្សនា
- ថ្ងៃនេះ3261
- ម្សិលមិញ7271
- សប្តាហ៍នេះ22731
- ខែនេះ10541
- ឆ្នាំនេះ993761
- សរុប20221207