លោក នុត ពុធដារ៉ាចុះចែកទឹកជូនប្រជាពលរដ្ឋតាមខ្នងផ្ទះ
29-April-2016 | ដោយ មែន កំសត់
ភ្នំពេញ៖ អនុវត្តតាមប្រសាសន៍ណែនាំដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឆ្លើយតបទៅនឹងតម្រូវការចាំបាច់ប្រចាំថ្ងៃ ដែលកំពុងជួបការខ្វះខាតទឹកប្រើប្រាស់ក្នុងរដូវប្រាំងនាពេលបច្ចុប្បន្ន របស់ប្រជាពលរដ្ឋក្នុងមូលដ្ឋាន នៅព្រឹកថ្ងៃទី ២៩ ខែ មេសា ឆ្នាំ ២០១៦ លោក នុត ពុធដារ៉ា អភិបាល នៃគណៈអភិបាលខណ្ឌដង្កោ និង លោក ប្រាជ្ញ សីហា អភិបាលរង នៃគណៈអភិបាលខណ្ឌដង្កោ បានដឹកនាំមន្ត្រីរាជការក្រោមឱវាទ និងក្រុមយុវជន ស.ស.យ.ក ខណ្ឌដង្កោ ដឹកទឹកចុះចែកជូនប្រជាពលរដ្ឋតាមខ្នងផ្ទះ ចំនួន ២ភូមិ រួមមាន ភូមិខ្វិត និងភូមិក្រាំងតាផូ ស្ថិតនៅសង្កាត់សាក់សំពៅ ខណ្ឌដង្កោ រាជធានីភ្នំពេញ ។ ព្រមជាមួយគ្នានោះផងដែរ លោក អភិបាល ក៏បានបន្តដំណើរទៅសួរសុខទុក្ខ និងត្រួតពិនិត្យប្រព័ន្ធផ្គត់ផ្គង់ទឹករបស់ប្រជាពលរដ្ឋរស់នៅសហគមន៍ទួលសំបូរ ដែលជាអំណោយរបស់ឯកឧត្តម ប៉ា សុជាតិវង្ស អភិបាល នៃគណៈអភិបាលរាជធានីភ្នំពេញ ស្ថិតក្នុងសង្កាត់ព្រៃវែង ខណ្ឌដង្កោ រាជធានីភ្នំពេញ ៕
ចំនួនអ្នកទស្សនា
- ថ្ងៃនេះ2531
- ម្សិលមិញ7271
- សប្តាហ៍នេះ22001
- ខែនេះ9811
- ឆ្នាំនេះ993031
- សរុប20220477