អាជ្ញាធរខណ្ឌច្បារអំពៅបន្តនាំទឹក ជូនដល់សហគមន៍វាលស្បូវ និងភូមិមិត្តភាព ដែលកំពុងខ្វះខាតសម្រាប់ប្រើប្រាស់ប្រចាំថ្ងៃ
30-April-2016 | ដោយ មែន កំសត់
ភ្នំពេញ៖ លោក ណុប ផា អភិបាលរងខណ្ឌច្បារអំពៅ និងលោក ញាណ ចាន់សោភា នារសៀលទី២៩ ខែមេសា ឆ្នាំ២០១៦នេះ បានបន្តចុះអន្តរាគមន៍ ដឹកទឹកទៅចែកជូនដល់លំនៅដ្ឋាន បងប្អូនប្រជាពលរដ្ឋ រស់នៅក្នុងសហគមន៍វាលស្បូវ ក្នុងភូមិស្វាយតាអុក សង្កាត់វាលស្បូវ និងភូមិមិត្តភាព សង្កាត់ព្រែកឯង។
លោក ញាណ ចាន់សោភា នាយករងរដ្ឋបាល បានឲ្យដឹងថា ក្រោយទទួលបានការណែនាំពីលោកអភិបាលខណ្ឌរួចមក ក្រុមការងាររបស់យើង បានដឹកជញ្ជូនទឹកយកទៅផ្គត់ផ្គង់ជូនប្រជាជនដែលកំពុងខ្វះខាតទឹកស្អាតប្រើប្រាស់ ដោយពួកគាត់រស់នៅ ក្នុងភូមិឆ្ងាយពីតំបន់ទឹកស្អាត។
លោក ញាណ ចាន់សោភា បានបន្តទៀតដឹងថា ទឹកស្អាតដែលបានដឹកនាំមកចែកជូនដល់ប្រជាជន រស់នៅក្នុងសហគមន៍វាលស្បូវមានចំនួន១៤០កាន និងចំនួន ៨០កានទៀតផ្តល់ជូនប្រជាជនភូមិមិត្តភាព សង្កាត់ព្រែកឯង។
ជាមួយគ្នានេះ ប្រជាជនបានសម្តែងការសប្បាយរីករាយជាខ្លាំង និងថ្លែងអំណរគុណ ដល់អាជ្ញាធរខណ្ឌ ដែលបានដឹកជញ្ជូនទឹកមកផ្គត់ផ្គង់សម្រាប់ពួកគាត់ដែលរងផលប៉ះពាល់នូវរលកកំដៅ ក្តៅខ្លាំង ធ្វើឲ្យទឹកនៅតាមស្រះក្នុងភូមិរីងស្ងួតនាពេលនេះ៕
ចំនួនអ្នកទស្សនា
- ថ្ងៃនេះ2561
- ម្សិលមិញ7271
- សប្តាហ៍នេះ22031
- ខែនេះ9841
- ឆ្នាំនេះ993061
- សរុប20220507