លោក ហែម ដារិទ្ធ ដឹកនាំកម្លាំងចែកទឹកជូនប្រជាពលរដ្ឋនៅ សង្កាត់ឪឡោក
01-May-2016 | ដោយ មែន កំសត់
ភ្នំពេញ៖ នៅព្រឹក ថ្ងៃទី ៣០ ខែ មេសា ឆ្នាំ២០១៦ នៅ ភូមិ ត្បែងមានជ័យ និងភូមិត្រង់នំ សង្កាត់ ឪឡោក ខណ្ឌ ពោធិ៍សែនជ័យ រាជធានីភ្នំពេញ បានរៀបចំពិធី ជួបសំណេះសំណាលសួរសុខទុក្ខជាមួយបងប្អូនប្រជាពលរដ្ឋទាំងពីរភូមិ ដែលកំពុងខ្វះខាតទឹកប្រើប្រាស់ ។
ពិធីនេះមានវត្តមានចូលរួមពីលោក លោកស្រីជាអភិបាលរងខណ្ឌ មន្ត្រីការិយាល័យជំនាញសាលាខណ្ឌ ក្រុមប្រឹក្សាសង្កាត់ មេភូមិ ប៉ុស្តិ៍នគរបាលរដ្ឋបាលសង្កាត់ និង ប្រជាពលរដ្ឋចំនួន ១៥៤គ្រួសារផងដែរ ស្ថិត ក្រោមអធិបតីភាព លោក ហែម ដារិទ្ធ អភិបាលខណ្ឌ ពោធិ៍សែនជ័យ ។
នាឱកាសនោះ លោក ហែម ដារិទ្ធ អភិបាលខណ្ឌ ពោធិ៍សែនជ័យ បានមានមតិសំណេះសំណាល សាកសួរសុខទុក្ខទៅកាន់បងប្អូនប្រកបដោយភាពស្និទ្ទស្នាល និងកក់ក្ដៅបំផុតហើយលោកក៏បានបញ្ជាក់ថា៖ដោយយោង ភូមិទាំងពីរខាងលើ មានទីតាំងដាច់ស្រយាលជាយរាជធានីភ្នំពេញ ជាប់នឹងព្រំប្រទល់ ស្រុកអង្គស្នួល ខេត្តកណ្ដាល ដែលបណ្ដាញទឹកស្អាតមិនទាន់ទៅដល់នៅឡើយ ហើយតំបន់នេះទៀតសោត ពិបាកនិងជីកអណ្ដូងណាស់ បើជីកអណ្ដូងជំរៅជាង៨០ម៉ែត្រ មិនប្រាកដចេញទឹកនោះទេ ព្រោះគ្មានប្រភពទឹក និង ពិនិត្យឃើញស្ថានភាពលំបាកនេះទើបថ្នាក់ដឹកនាំសាលាខណ្ឌ សង្កាត់បានរៀបចំក្រុមការងារ ចុះដឹកនាំកំលាំង នាំទឹកជាច្រើនម៉ែត្រគូប ទៅចែកជូន ប្រជាពលរដ្ឋដែលស្ថិតក្នុងតំបន់នោះសម្រាប់ប្រើប្រាស់ប្រចាំថ្ងៃ ។ ទន្ទឹមនឹងការចែកទឹកនាពេលនោះក្រុមការងារសាលាខណ្ឌ ក៏បាន និងបានធ្វើការជួសជុលអណ្តូងស្នប់មួយកន្លែងទុកសម្រាប់ឲ្យប្រជាពលរដ្ឋប្រើប្រាស់ផងដែរ។
ចំនួនអ្នកទស្សនា
- ថ្ងៃនេះ2461
- ម្សិលមិញ7271
- សប្តាហ៍នេះ21931
- ខែនេះ9741
- ឆ្នាំនេះ992961
- សរុប20220407