សហភាពសហព័ន្ធយុវជនកម្ពុជា ចូលរួមរំលែកទុក្ខគ្រួសារ ស្លាប់ដោយរន្ទះបាញ់
03-May-2016 | ដោយ មែន កំសត់
ខេត្តរតនគិរី ៖ ឯកឧត្តមថង សាវុន ប្រធានសហភាពសហព័ន្ធយុវជនកម្ពុជាខេត្ត និងជាអភិបាលនៃគណៈអភិបាលខេត្តរតនគិរី នាព្រឹកថ្ងៃទី០២ ឧសភា ២០១៦ លោកជំទាវកែវ សាវឿន អនុប្រធានសហភាពសហព័ន្ធយុវជនកម្ពុជាខេត្ត បានដឹកនាំក្រុមការងារសហភាពសហព័ន្ធយុវជនកម្ពុជាខេត្តរតនគិរី ចូលរួមរំលែកទុក្ខជាមួយប្រជាពលរដ្ឋមួយគ្រួសារ ដែលរងគ្រោះដោយសារបាតុភូតរន្ទះបាញ់ស្លាប់ កាលពីថ្ងៃទី២៩ មេសា កន្លងទៅ ស្ថិតនៅភូមិតាំងសេ ឃុំញ៉ាង ស្រុកអណ្តូងមាស ។
ក្នុងនាមអភិបាលខេត្ត ក៏ដូចជាក្នុងនាមសហភាពសហព័ន្ធយុវជនកម្ពុជា លោកជំទាវបានសម្តែងនូវការសោកស្តាយជាមួយក្រុមគ្រួសារ សាច់ញាតិនៃសព ដែលបាត់បង់មនុស្សជាទីស្រលាញ់មួយប៉ព្រិចភ្នែក។
ក្នុងឱកាសនោះដែរ លោកជំទាវបានប្រគល់ជូននូវថវិការផ្ទាល់របស់លោកអភិបាលខេត្ត និងលោកជំទាវ ព្រមទាំងថវិកាទទួលបានពីការបរិច្ចាគធនធានផ្ទាល់ខ្លួនរបស់សមាជិក សមាជិកាសភាពសហព័ន្ធយុវជនខេត្ត រួមនិងសប្បុរសជននានាដល់គ្រួសារសពសរុបចំនួន៦០០.០០០រៀល, អង្ករ៦០គីឡូក្រាម, មី ត្រីខ ភួយ មុង និងក្រម៉ាជូនដល់ក្រុមគ្រួសារនៃសព និងបានអញ្ជើញបន្តចុះសួរសុខទុក្ខជូនថវិកាចំនួន១.០០០.០០០រៀល ដល់លោកស្រី ក្លាន លៀម អភិបាលរងស្រុកអណ្តូងមាស ដែលកំពុងសម្រាកព្យាបាលជំងឺ នៅផ្ទះ ។
ចំនួនអ្នកទស្សនា
- ថ្ងៃនេះ2541
- ម្សិលមិញ7271
- សប្តាហ៍នេះ22011
- ខែនេះ9821
- ឆ្នាំនេះ993041
- សរុប20220487