​ភ្នំពេញ ៖ នៅ​រសៀល​ ថ្ងៃទី​០៣​ ខែឧសភា ​ឆ្នាំ ២០១៦ នេះ លោក សុខ សម្បត្តិ អភិបាលខណ្ឌ​ព្រែក​ព្នៅ​បាន​ដឹកនាំ​កម្លាំង ចុះ​ពិនិត្យ និង​ចែក​ទឹក​ជូន​ដល់​ប្រជាពលរដ្ឋ​ដែល​ខ្វះ​ទឹក​ប្រើប្រាស់​ក្នុងភូមិ​កប់​ស្រូវ​តូច (​ខាងលិច​វត្ត​កប់​ស្រូវ​) សង្កាត់​គោក​រកា ខណ្ឌ​ព្រែក​ព្នៅ ។​
​

ពិធី​នេះ​មានការ​ចូលរួម​ពី លោក លោកស្រី  អភិបាលរងខណ្ឌ មន្ត្រី​ការិយាល័យ​ជំនាញ​សាលាខណ្ឌ ក្រុមប្រឹក្សា សង្កាត់ មេភូមិ កងកម្លាំងប្រដាប់អាវុធ ព្រមទាំង​ប្រជាពលរដ្ឋ​ជា​ច្រើ​នាក់​ផងដែរ​។​​នាឱកាស​នោះ លោក ​សុខ​ សម្បត្តិ អភិបាលខណ្ឌ បាន​មានមតិ​សំណេះសំណាល សាកសួរ​សុខទុក្ខ​ទៅកាន់​បងប្អូន​ប្រកបដោយ​ភាព​ស្និ​ទ្ទ​ស្នាល និង​កក់ក្ដៅ​បំផុត​ហើយ​លោក​ក៏បាន​បញ្ជាក់ថា​៖​ដោយយោង ភូមិ ​ខាងលើនេះ មាន​ទីតាំង​ដាច់ស្រយាល​ជាយ​រាជធានី​ភ្នំពេញ ជាប់​នឹង​ព្រំប្រទល់ ខេត្តកណ្ដាល ដែល​បណ្ដាញ​ទឹកស្អាត​មិនទាន់​ទៅដល់​នៅឡើយ ហើយ​តំបន់​នេះ​ទៀតសោត ពិបាក​និង​ជីក​អណ្ដូង​ណាស់ បើ​ជីក​អណ្ដូង​ជំរៅ​ជាច្រើន​ម៉ែត្រ​ក៏ មិន​ប្រាកដ​ចេញ​ទឹក​នោះទេ ព្រោះ​គ្មាន​ប្រភពទឹក និង​ដោយ ពិនិត្យឃើញ​ស្ថានភាព​លំបាក​នេះ​ទើប​ថ្នាក់ដឹកនាំ​សាលាខណ្ឌ សង្កាត់​បានរៀបចំ​ក្រុមការងារ ចុះ​ដឹកនាំ​កំលាំង នាំ​ទឹកជា​ច្រើន​ម៉ែត្រគូប ទៅ​ចែកជូន ប្រជាពលរដ្ឋ​ដែល​ស្ថិតក្នុង​តំបន់​នោះ​សម្រាប់​ប្រើប្រាស់​ប្រចាំថ្ងៃ ផងដែរ ៕



​