លោក ផេនសុផល ចុះពិនិត្យគម្រោងស្ដារប្រឡាយ ខេមរា ស្ថិតនៅភូមិ ទំពូង ឃុំល្វេ
04-May-2016 | ដោយ មែន កំសត់
កំពង់ចាម៖ នៅព្រឹក ថ្ងៃទី០៤ ខែឧសភា ឆ្នាំ២០១៦ ក្រុមការងារ សាលាស្រុក ដឹកនាំដោយ លោក ផេនសុផល អភិបាលស្រុក កោះសូទិន លោក ហេងហ៊ុន ប្រធានក្រុមប្រឹក្សាស្រុក បានចុះពិនិត្យគម្រោងស្ដារប្រឡាយ ខេមរា ស្ថិតនៅភូមិ ទំពូង ឃុំល្វេស្រុក កោះសូទិនខេត្ត កំពង់ចាម។
ការចុះត្រួតពិនិត្យនេះមានវត្តមានចូលរួមពីលោក លោក ស្រី ជា អភិបាលរងស្រុក ការិយាល័យ ជំនាញ សាលាស្រុក សមាជិកក្រុមប្រឹក្សាស្រុក ក្រុមប្រឹក្សាឃុំ មេឃុំ មេភូមិ កងកម្លាំងនគរបាលប៉ុស្តិ៍ រួមនិងប្រជាពលរដ្ឋតំណាងអ្នកទទួលផលផងដែរ។យោងរបាយការណ៍ របស់លោក សាយ ស្រ៊ាង មេឃុំល្វេ បានឲ្យដឹងដែរថា៖ ប្រឡាយខេមរាត្រូវបានស្តារឡើងវិញនឹងរួចជាស្ថាពរ ប្រឡាយនេះមានបណ្តោយប្រវែង៨១០ម៉ែត្រ ទទឹងមាត់លើ៨ម៉ែត្រ ជំរៅ២ម៉ែត្រពីផ្ទៃដីចាស់ បាតក្រោម២ម៉ែត្រ និងមានផ្លូវអមប្រឡាយទទឹងខ្នងលើ៦.៥ម៉ែត្រ។ប្រឡាយនេះ ប្រជាពលរដ្ឋទទួលផលនឹងប្រើប្រាសចំនួនបួនភូមិគឺភូមិទំពូង ភូមិ ព្រែកគល់ ភូមិរកាកោង និង ភូមដំណាក់ស្វាយ ឃុំល្វេស្រុកកោះសូទិន ខេត្តកំពង់ចាម។
លោកមេឃុំក៏បានលើកឡើងបញ្ជាក់ ដែរថា ៖ ប្រឡាយខេមរាបានស្តារឡើងវិញដោយលោក ការគាំទ្រ គម្រោង ពីសំណាក់ អភិបាលនៃគណអភិលស្រុកកោះសូទិន សហការ ជាមួយ ក្រុមប្រឹក្សាឃុំ មេឃុំល្វេ នឹងអនុវត្តន៍ដោយ មន្ទីរអភិវឌ្ឍន៍ជនបទខេត្តកំពង់ចាម និងមានការត្រួតពិនិត្យតាមដាន ពីក្រុមប្រឹក្សា ឃុំ មេភូមិ រួមនឹងប្រជាពលរដ្ឋ នៅក្នុងភូមិទំពូង ។
ចំពោះការស្ដារប្រឡាយនេះតំណាង ប្រជាពលរដ្ឋក្នុងភូមិ បានសម្ដែងនូវការត្រេកអរនិងសប្បាយចិត្ត ព្រោះវាជាប្រឡាយមេ អាចនាំទឹក ប្រភពទឹកសម្រាប់ស្រោចសពលើផ្ទៃដីស្រែចំការ ប្រមាណ ជាង៥០០ហិចតា មានដូចជា ស្រូវ និងបន្លែបង្កាផ្សេងៗ នេះជាយុទ្ធសាស្ត្រ កិច្ចអភិវឌ្ឍន៍នៅមូលដ្ឋាន តាមនយោបាយទឹក នៅមូលដ្ឋាន ភូមិ ឃុំ តាមប្រព័ន្ធវិមជ្ឈការ ឃុំ ស្របតាមផែនការជាក់ស្ដែង និងចំទិសដៅពិតៗ តាមអនុសាសន៍ក៏ដូចជានយោបាយដឹកនាំរបស់សម្ដេចតេជោហ៊ុន សែន ដែលសម្ដេចតែងតែគិតគូរសុខទុក្ខប្រជាពលរដ្ឋគ្រប់កាលៈទេសៈ ដើម្បីរួមចំណែកការកាត់បន្ថយភាពក្រីក្រនៅមូលដ្ឋាន៕
ចំនួនអ្នកទស្សនា
- ថ្ងៃនេះ1711
- ម្សិលមិញ7271
- សប្តាហ៍នេះ21181
- ខែនេះ8991
- ឆ្នាំនេះ992211
- សរុប20219657