លោក កៀង ល័ក្ស រៀបចំកិច្ចប្រជុំការប្រកាសសមាសភាពការបង្កើតគណៈកម្មការ បង្ការ និងបង្ក្រាបប្រឆាំងបទល្មើសគ្រឿងញៀន
05-May-2016 | ដោយ មែន កំសត់
ភ្នំពេញ៖ នៅម៉ោង១៤និង ៣០នាទីរសៀល ថ្ងៃទី០៤ ខែឧសភា ឆ្នាំ២០១៦ នៅសាលប្រជុំសាលាខណ្ឌ៧មករា បានរៀបចំកិច្ចប្រជុំការប្រកាសសមាសភាពការបង្កើតគណៈកម្មការ បង្ការ និងបង្ក្រាបប្រឆាំងបទល្មើសគ្រឿងញៀន និងការបង្កើតគណៈកម្មការបច្នុប្បន្នភាពស្ថិតិប្រជាពលរដ្ឋក្នុងខណ្ឌ៧មករា ក្រោមអធិបតីភាព លោក កៀង ល័ក្ស អភិបាលរងខណ្ឌ៧ មករា ។
កិច្ចប្រជុំ មានការចូលរួមពីលោក-លោកស្រីអធិការរង នាយករដ្ឋបាលស្តីទី នាយករងរដ្ឋបាល លោក-លោកស្រីចៅសង្កាត់ទាំង៨ នាយ-នាយរងប៉ុស្ត៍នគរបាលសង្កាត់ទាំង៨ និង មេភូមិទាំង៦៦។ មានមតិជម្រាបជូនក្នុងកិច្ចប្រជុំនាពេលនោះលោក កៀង ល័ក្ស អភិបាលរងខណ្ឌ៧ មករា បានលើកឡើងថា៖ពិនិត្យឃើញសកម្មភាពបទល្មើសនាពេលកន្លងមកនេះវាមានសភាព ដូចជាឈូឆរកើតឡើងស្ទើរតែគ្រប់ទីកន្លែង ពិសេសករណីគ្រឿងញៀន ដូចនេះដើម្បីឲ្យមានកិច្ចសហការ រវាងអាជ្ញាធរ សមត្ថកិច្ច ត្រូវបង្កើតគណៈកម្មការបង្ការ និងបង្ក្រាបប្រឆាំងបទល្មើសគ្រឿងញៀន និងការបង្កើតគណៈកម្មការបច្នុប្បន្នភាពស្ថិតិ ដើម្បីធ្វើការត្រួតពិនិត្យ ផឺនការលទ្ធផល នៃបទល្មើស តាមគោលនយោបាយភូមិសង្កាត់មានសុវត្ថិភាព លោកអភិបាលរងក៏បានស្នើដល់ភាគីដែលពាក់ព័ន្ធត្រូវចូលរួម សហការគ្នាឲ្យមានប្រសិទ្ធភាពកុំឲកយរីកដុះដាលកាន់តែធ្ងន់ធ្ងរ លើករណីគ្រឿងញៀនដែលបំផ្លាញសង្គមជាតិនិងប្រជាពលរដ្ឋពិសេសយុវវ័យ ៕
ចំនួនអ្នកទស្សនា
- ថ្ងៃនេះ1941
- ម្សិលមិញ7271
- សប្តាហ៍នេះ21411
- ខែនេះ9221
- ឆ្នាំនេះ992441
- សរុប20219887