លោក ម៉ននី បណ្ឌិត អញ្ជើញជា អធិបតីក្នុងកម្មវិធី បើកបវេសនកាល នៅសាលាពុទ្ធិកបឋមសិក្សា សម្តេច ជា ស៊ីម
05-May-2016 | ដោយ មែន កំសត់
ព្រៃវែង៖ នាព្រឹកថ្ងៃទី ០៥ ខែមេសា ២០១៦ លោក ម៉ននី បណ្ឌិត អភិបាលនៃគណៈអភិបាលស្រុកស៊ីធរកណ្ដាល បានអញ្ជើញជាគណៈអធិបតីក្នុងកម្មវិធី បើកបវេសនកាល នៅសាលាពុទ្ធិកបឋមសិក្សា សម្តេច ជា ស៊ីម ខ្នារ ស្ថិតនៅក្នុភូមិខ្នារ ឃុំព្រៃទឹង ស្រុកស៊ីធរកណ្តាល ខេត្តព្រៃវែង។
នាឱកាសនោះព្រះតេជគុណ សីលសំវរោ សាន់ ឡេ ព្រះវិន័យធរសង្ឃស្រុក នាយកសាលាបាន មានសង្ឃដីការៀបរាប់អំពី ស្ថានភាពទូទៅរបស់សាលានាពេលបច្ចុប្បន្ន និង ទស្សនវិស័យនាពេលអនាគត។
ក្នុងឱកាសនៃការបើកបវេសនកាលនេះ ដែល លោក ម៉ននី បណ្ឌិតអភិបាលស្រុក បានប្រគេនការផ្តាំផ្ញើដល់សាមណៈសិស្សដែលសិក្សានៅសាលាពុទ្ធិកបឋមសិក្សា ទាំងអស់ មេត្តាយកចិត្តទុកដាក់ក្នុងក្រេបយកចំណេះដឹង ទាំងមុខវិជ្ជាខាងពុទ្ធចក្រ ទាំងមុខវិជ្ជាខាងអាណាចក្រ ដើម្បីលើកកម្ពស់វិស័យព្រះពុទ្ធសាសនា របស់យើងទាំងអស់គ្នានិងបានសំណូមពរដល់ពុទ្ធបរិស័ទ្ទចំណុះជើងវត្តខ្នារទាំងអស់ បន្តក្នុងការផ្គត់ផ្គង់ចង្ហាន់ ដល់ព្រះសង្ឃដែលគង់សិក្សាឱ្យបានគ្រប់គ្រាន់៕
ប្រភព៖រដ្ឋបាលស្រុកស៊ីធរកណ្ដាល
ចំនួនអ្នកទស្សនា
- ថ្ងៃនេះ1661
- ម្សិលមិញ7271
- សប្តាហ៍នេះ21131
- ខែនេះ8941
- ឆ្នាំនេះ992161
- សរុប20219607