លោកសេង សាញ់ រៀបចំ ប្រជុំក្រុមប្រឹក្សាសង្កាត់ប្រចាំខែមេសា
06-May-2016 | ដោយ មែន កំសត់
ភ្នំពេញ ៖ នាព្រឹកថ្ងៃទី០៦ខែឧសភា ឆ្នាំ២០១៦នៅសាលាសង្កាត់ ស្ទឹងមានជ័យ បានរៀបចំ ប្រជុំក្រុមប្រឹក្សាសង្កាត់ប្រចាំខែមេសា ក្រោមអធិបតីភាព លោក សេង សាញ់ ប្រធានក្រុមប្រឹក្សាសង្កាត់និងជាចៅសង្កាត់ ស្ទឹងមានជ័យ។ កិច្ចប្រជុំ សមាសភាពចូលរួមសមាជិកក្រុមប្រឹក្សាឃុំ គណៈកម្មាធិការសង្កាត់ កងកម្លាំងនគរបាលប៉ុស្តិ៍ ប្រធាន អនុប្រធានមណ្ឌលសុខភាព មេភូមិ ប្រធានសន្តិសុខ ប្រជាការពារសង្កាត់ ផងដែរ។
ក្រោយពីស្ដាប់របាយការណ៍របស់ រដ្ឋបាលសង្កាត់ ជុំវិញបញ្ហាប្រឈមនិងតម្រូវការចាំបាច់ លោក សេង សាញ់ ប្រធានក្រុមប្រឹក្សាសង្កាត់ស្ទឹងមានជ័យ បានមានមតិ និងដាក់ផែនការជូនដល់បណ្ដាអង្គភាពដើម្បីអនុវត្តន៍បន្ត គឺត្រូវយកចិត្តទុកដាក់លើការងារសន្តិសុខសណ្ដាប់ធ្នាប់សាធារណៈ ការបម្រើសេវា សាធារណៈជូនប្រជាពលរដ្ឋនៅមូលដ្ឋាន ការយកចិត្តទុកដាក់កិច្ចអភិវឌ្ឍន៍ ការចុះជួយសង្គ្រោះប្រជាពលរដ្ឋ ពិសេសអ្នកដែលរងគ្រោះកង្វះខាតទឹកប្រើប្រាស់ ចូលរួម សហការលើ ការតាមដានត្រួតពិនិត្យ និង ក្ដាប់ឲ្យបាននូវរាល់ស្ថិតិ ប្រព័ន្ធធារាសាស្ត្រ ហើយបើមានទីតាំងណាជួបគ្រោះ រាំងស្ងួត ត្រូវស្នើសុំអន្តរាគមន៍ ដោះស្រាយស្ដារឡើងវិញ ដើម្បីដោះស្រាយជូនប្រជាពលរដ្ឋ លោកប្រធានក៏បានបន្តទៀតផងដែរថា៖រដ្ឋបាលសង្កាត់ និងប៉ុស្តិ៍ត្រូវមានផែន ការចុះប្រជុំផ្សព្វផ្សាយឲ្យបានទូលាយនូវគោលការណ៍ច្បាប់ ពិសេស គ្រោះថ្នាក់ចរាចរណ៍ ការងាររដ្ឋបាលលិខិតស្នាមមានសៀវភៅគ្រួសារ អត្តសញ្ញាណបណ្ណនិងអត្រានុកូលដ្ឋានតាមកម្រៃសេវាច្បាប់ រាល់ចំណុចអសកម្មភាពត្រូវធ្វើការកែតម្រូវ ដើម្បីចូលរួមកិច្ចអភិវឌ្ឍន៍និងកាត់បន្ថយភាពក្រីក្រនៅក្នុងមូលដ្ឋាន៕
ចំនួនអ្នកទស្សនា
- ថ្ងៃនេះ1841
- ម្សិលមិញ7271
- សប្តាហ៍នេះ21311
- ខែនេះ9121
- ឆ្នាំនេះ992341
- សរុប20219787