ឯកឧត្ដម អាន ជាលី អញ្ជើញចូលរួម ពិធីបុណ្យសពយុវ និស្សិត ក្មេងវត្តនៅ ស្រុកបាធាយ
07-May-2016 | ដោយ មែន កំសត់
កំពង់ចាម៖ នៅល្ងាចថ្ងៃទី០៥ ខែឧសភា ឆ្នាំ២០១៦ ក្រុមការងារសមាគមសិស្ស និស្សិតបញ្ញវន្តក្មេងវត្តដឹកនាំដោយ ឯកឧត្ដម អាន ជាលី តំណាងអោយ ឯកឧត្ដម ហ៊ុន ម៉ានិត បាននាំយកសំភារៈ ថវិកាដ៍ថ្លៃថ្លារបស់ សម្ដេច អគ្គមហាសេនាបតីតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ទៅឧបត្ថម្ភជូន គ្រួសារនៃសពយុវនិស្សិត ទួច តូ នៅភូមិត្របែក ឃុំជើងព្រៃ ស្រុកបាធាយ ខេត្តកំពង់ចាម។
នាឱកាសនោះ ឯកឧត្ដម អាន ជាលី ជាមួយក្រុមការងារ សមាគមសិស្ស និស្សិតបញ្ញវន្តក្មេងវត្តក្នុងនាម ឯកឧត្ដម ហ៊ុន ម៉ានិត បានចូលរួមរំលែកទុក្ខ ក្រុមគ្រួសារនៃសព ព្រមទាំង សម្ដែងនូវក្ដីអាណិតអាសូរ សោកស្តាយ ជាពន់ពេក ចំពោះការបាត់បង់ យុវនិស្សិត ទួច តូ ដែលធ្លាប់តែរួមរស់ស្នាក់អាស្រ័យក្នុងទីអារាម វត្តសារាវ័នតេជោប្រាស្រ័យជាមួយព្រះសង្ឃដើម្បីបន្តការសិស្សារៀនសូត្រខិតខំប្រឹងប្រែងក្រេបជញ្ជក់ ការសិក្សា រៀនសូត្រ តស៊ូគ្រប់បែបយ៉ាង ជាយុវនិស្សិតដ៏ល្អគម្រូនៅក្នុងសង្គម ។
ឯកឧត្តម អាន ជាលី ក៏បានលើកឡើងផងដែរថា៖ ក្រោយពីទទួលបានព័ត៌មាននៃការស្លាប់របស់ យុវនិស្សិត ឈ្មោះ ទួច តូ ឯកឧត្ដម ហ៊ុន ម៉ានិត បានចាត់ឲ្យក្រុមការងារ សមាគមសិស្ស និស្សិតបញ្ញវន្តក្មេងវត្ត នាំយកសំភារៈ ថវិកា ដ៍ ថ្លៃថ្លារបស់ សម្ដេច អគ្គមហាសេនាបតីតេជោ ហ៊ុន សែននិងសម្ដេចកិត្តិព្រឹទ្ធបណ្ឌិត មកប្រគល់ជូន ដល់គ្រួសារសព ដើម្បីសម្រួលដល់ ការដោះស្រាយ ប្រើប្រាស់ចាត់ចែង ពិធីបុណ្យតាម ប្រពៃណី ។
គូសបញ្ជាក់បន្ថែមផងដែរថា៖ក្រៅពីការចូលរួម រំលែកទុក្ខ ប្រកមដោយ ភាតរភាព របស់ក្រុមការងារសមាគមសិស្ស និស្សិតបញ្ញវន្តក្មេងវត្ត ដែលដឹកនាំដោយ ឯកឧត្ដម អាន ជាលី នោះក៏បាននាំមកនូវ សំភារៈ ថវិកាមួយចំនួនរួមមាន៖ ថវិកា ១លានរៀល អង្ករ ចំនួន ១០០ គីឡូក្រាមទៀតផងដែរ ។
ចំនួនអ្នកទស្សនា
- ថ្ងៃនេះ1671
- ម្សិលមិញ7271
- សប្តាហ៍នេះ21141
- ខែនេះ8951
- ឆ្នាំនេះ992171
- សរុប20219617