កំលាំងក្រុមអន្តរាគមន៍បង្ក្រាបបទល្មើសត្វព្រៃ ជាច្រើនដែលដាក់តាំងលក់នៅក្នុងផ្សារបានលុង
10-May-2016 | ដោយ មែន កំសត់
រតនគិរី៖ សាច់សត្វព្រៃជាច្រើនដែលដាក់តាំងលក់នៅក្នុងផ្សារបានលុងនិងក្នុងភូមិជយ័ជំនះ ជុំវិញបរិវេណផ្សារក្រុងបានលុងត្រូវបានកំលាំងក្រុមអន្តរាគមន៍បង្ក្រាបបទល្មើសត្វព្រៃចលត័នៃរដ្ឋបាលព្រៃឈើសហការជាមួយកងរាជអាវុធហត្ថផ្ទៃប្រទេសនិងអង្កការសម្ព័ន្ធមិត្តសត្វព្រៃរួមទាំងកំលាំងរដ្ឋបាលព្រៃឈើខេត្តផងដែរបានចុះឆែកឆេរត្រួតពិនិត្យរុករកឃើញនៅវេលាម៉ោ៧និង៣០នាទីព្រឹកថ្ងៃទី១០ខែឧសភាឆ្នាំ២០១៦បានសាច់សត្វពីរបីប្រភេទ។
មន្រី្តដែលចុះបង្ក្រាបផ្ទាល់នោះបានប្រាប់ថាសាច់សត្វដែលបង្ក្រាបបាននោះរួមមានដូចជាសាច់ជ្រូកព្រៃស្រស់ចនួន២៥គីឡូក្រាមសាច់សត្វឈ្លូសស្រស់ចំនួន៣១គីឡូក្រាមសាច់សត្វត្រគួតស្រស់ចំនួន៣.៨គីឡូក្រាមនិងសត្វអារញីគ្រៀមមួយក្បាលផងដែរ។ ប៉ុន្តែក្នុងហេតុការណ៍ចុះបង្ក្រាបបានវត្ថុតាងនោះស្រាប់តែខាងកំលាំងដែលបានចុះទៅបង្ក្រាបនិងបានប្រាប់ថាចាប់បានតែសាច់សត្វទាំងនោះទេមិនបានឃាត់ខ្លួនម្ចាស់សាច់សត្វឡើយដោយរកមិនឃើញមានអ្នកទទួលខុសត្រូវ។
បន្ទាប់ពីនោះកំលាំងក៏បានយកវត្ថុតាងទាំងនោះទៅធ្វើកំណត់ហេតុជំរាបថ្នាក់លើឱ្យបានដឹងផងដែរ។ កាចុះចុះបង្ក្រាបបែបនេះមិនមែនទើបនិងចាប់ផ្តើមធ្វើនោះទេគឺធ្វើឡើងរាប់រយដងមកហើយឯលទ្ធផលវិញបានត្រឹមតែយកសាច់សត្វបង្ក្រាបបាននោះទៅបញ្ចេញសកម្មភាពកាយវិការយករូបភាពថាបានដុតកំទិចចោលអស់ហើយ។ និងហៅអាជីវករជាម្ចាស់សាច់សត្វនោមកធ្វើកំណត់ហេតុផាកពិន័យតិចតួចណែនាំបញ្ឈប់របរនោះតែប៉ុនណ្ណោះ។
ប៉ុន្តែអាជីវករទាំងនោះមិនរាងចាលនោះទេមិនខុសពីវែកចកនោះឡើយពោលគឺក្រុមការងារចេញពីខេត្តមិនទាន់ផុតផងដាក់សាច់សត្វព្រៃគ្រប់ប្រភេទលក់ពាសពេញផ្សារនោះទៀតហើយព្រមអាជីវករទាំងនោះបានត្រូវរ៉ូវសមត្ថកិច្ចនៅមូលដ្ឋាននោះអស់ហើយ។
ជាក់ស្តែងការចុះបង្ក្រាបថ្ងៃនេះចាប់បានសាច់សត្វព្រៃឯមនុស្សដាក់មេប្រូចអស់ប្រហែលជាសមត្ថកិច្ចមូលដ្ឋានជាអ្នកឱ្យដំណឹងរត់និងយកសាច់សត្វលាក់អស់់គឺនៅសេសសល់តិចតួចម្យ៉ាងអាជីវករលក់សាច់សត្វព្រៃនោះភាគច្រើនជាប្រពន្ធមេៗទាហាននិងប៉ូលិសទៀតផង។ ហើយក៏នៅមានហាងជាច្រើនទៀតមានលក់សុទ្ធសឹងម្ហូបជាសាច់សត្វព្រៃគ្រប់ប្រភេទមិនដែលឃើញក្រុមការងារខាងលើនិងចុះទៅបង្ក្រាបនោះឡើយប្រហែលជាក្រុមនោះក៏នៅខ្លាចអំណាចម្ចាស់ហាងទាំងអស់នោះដែរឬមួយធ្លាប់បានទទួលលាភសក្ការៈដែរបានជាមិនព្រមចុះទៅបង្ក្រាបយ៉ាងនេះ៕
ចំនួនអ្នកទស្សនា
- ថ្ងៃនេះ1981
- ម្សិលមិញ7271
- សប្តាហ៍នេះ21451
- ខែនេះ9261
- ឆ្នាំនេះ992481
- សរុប20219927