លោក ម៉ននី បណ្ឌិត ដឹកនាំកម្លាំងធ្វើការបំផ្លាញដំណាំឈូកដែលបានដាំបំពាននៅលើដីបឹងសារធារណៈរបស់រដ្ឋ
11-May-2016 | ដោយ មែន កំសត់
ព្រៃវែង៖ នៅព្រឹកថ្ងៃទី១១ ខែឧសភា ឆ្នាំ២០១៦ ដោយមានការចង្អុលបង្ហាញពី ឯកឧត្ដម ជា សុមេធី អភិបាលនៃគណៈអភិបាលខេត្តព្រៃវែងលោក ម៉ននី បណ្ឌិត អភិបាលស្រុកស៊ីធរកណ្ដាល ព្រមទាំងមានការចូលរួមពីលោក អភិបាលរង អុក សំរុង បានដឹកនាំកំលាំងទាំង៣ មេឃុំ ក្រុមប្រឹក្សាឃុំ ប្រជាជនជាច្រើននាក់ បានសហការជាមួយរដ្ឋបាលជលផលខណ្ឌ ខេត្តព្រៃវែង ធ្វើការបំផ្លាញដំណាំឈូកដែលបានដាំបំពាននៅលើដីបឹងសារធារណៈរបស់រដ្ឋ បើទោះបីជាមានកិច្ចសន្យាឈប់ដាំឈូកជាមួយរដ្ឋបាលស្រុក ពីរ រឺ បីដងរួចមកហើយ ក៏នៅតែបន្តដាំ ដែលស្ថិតនៅក្នុងភូមិកោងស្រែ ឃុំល្វេ ស្រុកស៊ីធរកណ្តាល ។
នាឱកាសនោះ លោក ម៉ននី បណ្ឌិត អភិបាលស្រុកស៊ីធរកណ្ដាល បានលើកឡើងផងដែរថាកន្លងមករដ្ឋបាលស្រុក បានប្រជុំធ្វើវេទិការសាធារណៈនិងបានប្រកាសមិនអោយមានការដាំឈូក ថែទាំ ប្រើប្រាស់ថ្នាំពុល បាញ់ទៅលើឈូក នៅក្នុងទឹក និង បានដាក់ជំរោងឬស្សីជាច្រើននៅក្នុងទឹកបឹង (ការពារមិនសត្វគោ ក្របីចូលផឹកទឹក ព្រោះខ្លាចខូចដំណាំឈូក ) និងដែលអាចបង្កអោយមានគ្រោះថ្នាក់ដល់មនុស្ស សត្វផងដែរ ។ ប៉ុន្តែអ្នកដាំឈូកមួយចំនួនតូចនៅតែបន្តដាំដោយរំលោភទៅនិងច្បាប់ជលផលដែលបណ្ដាលអោយប៉ះពាល់ដល់ផលប្រយោជន៍ប្រជាជនភាគច្រើននៅក្នុងឃុំ ៕
ចំនួនអ្នកទស្សនា
- ថ្ងៃនេះ1231
- ម្សិលមិញ7271
- សប្តាហ៍នេះ20701
- ខែនេះ8511
- ឆ្នាំនេះ991731
- សរុប20219177