កម្លាំងបញ្ជាការឯកភាពខណ្ឌសែនសុខ ចុះបង្ក្រាបទីតាំងហ្គេមបាញ់ត្រី១កន្លែង និងឃាត់ខ្លូនបានមនុស្សប្រុសស្រី១០នាក់
13-May-2016 | ដោយ មែន កំសត់
ភ្នំពេញ៖ លោក ប៉ឹល កុសល អភិបាលខណ្ឌសែនសុខ បានដឹកនាំកម្លាំងបញ្ជាការឯកភាពខណ្ឌ បានចុះទៅបង្ក្រាបទីតាំងហ្គេមបាញ់ត្រីខុសច្បាប់១កន្លែង និងឃាត់ខ្លូនបានមនុស្សប្រុស ស្រី១០នាក់ នាម៉ោង១២រសៀលថ្ងៃទី១៣ ខែឧសភា ឆ្នាំ២០១៦នេះ។
មន្ត្រីអាវុធហត្ថដែលបានចូលរួមប្រតិបត្តិការនេះ បានឲ្យដឹងថា ទីតាំងហ្គេមបាញ់ត្រីនេះ បានធ្វើសកម្មភាពបើកដំណើរការដោយលួចលាក់ យូរណាស់មកហើយ ដោយប្រើរូបភាពបិទបាំងខាងក្រៅថា «លក់ផ្ទះ» បិទទ្វារជិត តែលួចបើកខាងក្រោយ។ បន្ទាប់បានទទួលដំណឹងពីលោក លី អនុប្រធានភូមិ ព្រោះផ្ទះរបស់គាត់នៅក្បែរទីតាំងហ្គេមនេះ ទើបអភិបាលខណ្ឌបានដឹកនាំកម្លាំងចុះទៅបង្ក្រាបជាក់ស្តែងតែម្តង។ មន្ត្រីអាវុធហត្ថបានបន្តទៀតថា ម្ចាស់ទីតាំងហ្គេមនេះ គឺមានខ្នងបង្អែកជាកម្លាំងសមត្ថកិច្ច ហើយតែងតែឱ្យការទៅម្ចាស់ទីតាំង នៅពេលដែរកម្លាំងចុះបង្រា្កបម្ដងៗ ប៉ុន្ដែជាអកុសលម្ដងនេះរត់មិនរួច ក៏ត្រូវកម្លាំងសមត្ថកិច្ចបង្ក្រាបបានជាក់ស្តែង។ ចំណែកមនុស្សទាំង១០នាក់ ត្រូវបានលោកអភិបាលខណ្ឌ ប្រគល់ទៅឲ្យកម្លាំងរាជអាវុធហត្ថ នាំយកទៅសាកសួរ និងកសាងសំណុំរឿងចាត់ការនីតិវិធី។
សូមរំលឹកផងដែរថា លោក ប៉ឹល កុសល ជាអភិបាលខណ្ឌសែនសុខ ដែលទើបតែឡើងកាន់ដំណែងថ្មីៗនេះ ប្រជាពលរដ្ឋមូលដ្ឋានសង្កេតឃើញថា រាល់បទល្មើសត្រូវបានបង្ក្រាបបាន យ៉ាងល្អគួរឱ្យកត់សម្គាល់ ក្រៅពីនេះលោកអភិបាល តែងតែជួយដល់សុខប្រជាពលរដ្ឋគ្រប់រូបផងដែរ៕
ចំនួនអ្នកទស្សនា
- ថ្ងៃនេះ401
- ម្សិលមិញ7271
- សប្តាហ៍នេះ19871
- ខែនេះ7681
- ឆ្នាំនេះ990901
- សរុប20218347