ស្ត្រីសម្រាលកូន គ្រួសារទទួលមរណភាព ១១ គ្រួសារ នៅឃុំរំលេច ទទួលបានថវិកាពីលោក ម៉ននី បណ្ឌិត
19-May-2016 | ដោយ មែន កំសត់
ព្រៃវែង៖ ក្រោយពីពេលសម្រាកពីការងារនៅថ្ងៃទី១៨ខែឧសភា ឆ្នាំ២០១៦ លោក ម៉ននី បណ្ឌិត អនុប្រធានក្រុមការងារគណបក្សប្រជាជនកម្ពុជា ចុះជួយឃុំរំលេច បានដឹកនាំក្រុមការងារ យុវជនគណបក្សស្រុក គណបក្សឃុំរំលេច រួមជាមួយក្រុមប្រឹក្សាឃុំ និង លោកមេភូមិ បានចុះផ្តល់ថវិកាមូលនិធិមនុស្សធម៍ ស ខេង ជូនក្រុមគ្រួសារប្រជាពលរដ្ឋដែលបានទទួលមរណភាព និង ស្ត្រីសម្រាលកូន ចំនួន ១១ គ្រួសារ នៅឃុំរំលេច ស្រុកស៊ីធរកណ្តាល ខេត្តព្រៃវែង។
ឆ្លៀតក្នុងឱកាសនោះ លោក ម៉ននី បណ្ឌិត បានលើកឡើងអំពីការយកចិត្តទុកដាក់ពីសំណាក់ សម្តេចក្រឡាហោមសខេង ប្រធានក្រុមការងារ ខេត្ត និងជាប្រធានមូលនិធិសខេង ដែលលោកតែងតែយកចិតទុកដាក់ដោះស្រាយ បញ្ហារាល់ទុក្ខលំបាកផ្សេងៗ ដែលកើតមានឡើងទៅលើប្រជាពលរដ្ឋទីទ័លក្រ ងាយរងគ្រោះនៅទូទាំងប្រទេស ពីព្រោះជាទូទៅគេ សង្កេតឃើញថា ទីណាមានប្រជាពលរដ្ឋជួបទុក្ខលំបាក ទីនោះជានិច្ចជាកាលតែងតែ មានវត្តមានរបស់ថ្នាក់ដឹកនាំនិងក្រុមការងារ ខេត្តស្រុក របស់បក្សប្រជាជនជា និច្ច ជាពិសេសនៅពេលដែលប្រជាពលរដ្ឋជួបគ្រោះអាសន្នផ្សេងៗ ដែលកើតមានឡើងជាយថាហេតុ។
លោកអភិបាល បានបន្តថា បើទោះបីជាយើងមានជីវភាពខ្វះខាតក៏ពិតមែន ក៏ប៉ុន្តែយើងគ្រាន់តែមានការខ្វះខាតក្នុងស្ថានភាពដែល ប្រទេសយើង មានសុខសន្តិភាព និងគ្មានសង្គ្រាមដូចនេះយើងត្រូវខិតខំតស៊ូរស់បន្តទៀត ប្រកបដោយក្ដីសង្ឃឹមជានិច្ច ពីព្រោះសម្ដេចតេជោ ហ៊ុន សែន បានសន្យាហើយថាមិនឲ្យប្រជាពលរដ្ឋរបស់លោកណាម្នាក់ អត់បាយស្លាប់ឡើយ ហើយលោកបានបញ្ជាឲ្យមន្ត្រីគ្រប់លំដាប់ថ្នាក់ទាំងអស់ ធ្វើយ៉ាងណាយកចិត្តទុកដាក់មើលថែទាំសុខ ទុក្ខប្រជាពលរដ្ឋឲ្យបានគ្រប់ជ្រុងជ្រោយ។
បន្ទាប់មកលោកអភិបាលស្រុក និងជាអនុប្រធានក្រុមការងារគណបក្សប្រជាជនកម្ពុជា ចុះជួយឃុំរំលេចក៏បានផ្ដល់ថវិកាមូលនិធិមនុស្សធម៍ ស ខេង ជូនក្រុមគ្រួសារប្រជាពលរដ្ឋដែលបានទទួលមរណភាព និង ស្ត្រីសម្រាលកូន ចំនួន ១១ គ្រួសារ នៅឃុំរំលេច ស្រុកស៊ីធរកណ្តាល ខេត្តព្រៃវែងដោយក្នុង១គ្រួសារថវិកា២០០០០០រៀលផងដែរ៕
ចំនួនអ្នកទស្សនា
- ថ្ងៃនេះ6961
- ម្សិលមិញ2931
- សប្តាហ៍នេះ19151
- ខែនេះ6961
- ឆ្នាំនេះ990181
- សរុប20217627