ពិធីប្រកាសតែងតាំង នាយក-នាយករងរដ្ឋបាលខណ្ឌមានជ័យ
20-May-2016 | ដោយ មែន កំសត់
ភ្នំពេញ៖ នៅរសៀលថ្ងៃទី ១៩ ខែឧសភា ឆ្នាំ២០១៦ លោក អែម សុខលាង ប្រធានក្រុមប្រឹក្សាខណ្ឌមានជ័យ និង លោក ពេជ្រ កែវមុនី អភិបាលខណ្ឌមានជ័យ បានអញ្ជើញជាអធិបតីភាព ក្នុងពិធីប្រកាសតែងតាំង នាយក-នាយករងរដ្ឋបាល ប្រធានការិយាល័យអន្តរវិស័យ និង អនុប្រធានការិយាល័យផែនការ នៃរដ្ឋបាលខណ្ឌមានជ័យ រាជធានីភ្នំពេញ ។
ពិធីនេះមានការចូលរួមពីលោក លោកស្រីជាមន្ត្រី សាលាខណ្ឌ កងកម្លាំងទាំង៣ប្រភេទការិយាល័យជំនាញសាលាខណ្ឌ ចៅសង្កាត់ និងមន្ត្រីដែលពាក់ព័ន្ធ ជាច្រើននាក់ផងដែរ.។
យោងតាមប្រកាសរបស់ក្រសអមហាផ្ទៃត្រូវបានតែងតាំងមន្ត្រីរដ្ឋបាល៖១. លោក ហ៊ួយ វីរៈ នាយករង ទៅជា នាយករដ្ឋបាលខណ្ឌមានជ័យ/២. លោក សាម មុយខៀង ប្រធានការិយាល័យអន្តរវិស័យ ទៅជា នាយករងរដ្ឋបាល/៣. លោក សន ណារ៉ាត់ អនុប្រធានការិយាល័យអន្តរវិស័យ ទៅជា ប្រធានការិយាល័យអន្តរវិស័យ/៤. លោក ជា ណារិន មន្ត្រីអ្នកចាត់តាំងបុគ្គលិកខណ្ឌមានជ័យ ទៅជា អនុប្រធានការិយាល័យផែនការ និងអភិវឌ្ឍន៍ ខណ្ឌមានជ័យ ។
មានមតិផ្ដាំផ្ញើ នាឱកាសលោក អែម សុខលាង ប្រធានក្រុមប្រឹក្សាខណ្ឌមានជ័យ និង លោក ពេជ្រ កែវមុនី អភិបាលខណ្ឌមានជ័យ លោកក៏បានស្នើដល់មន្ត្រីដែលទើបតែងតាំងថ្មី ត្រូវសហការយកចិត្តទុកដាក់ធ្វើការងារជាមួយរដ្ឋបាលខណ្ឌ គណៈអភិបាលខណ្ឌ សង្កាត់ ប្រកបដោយភាពយកចិត្ត ទុកដាក់ ក្នុងនាមជាមន្ត្រីត្រូវចេះមានសាមគ្គីផ្ទៃក្នុង ទំនាក់ទំនងការងារ ជាមួយប្រជាពលរដ្ឋឲ្យបានល្អប្រសើរ ចូលរួម កិច្ចអភិវឌ្ឍន៍មូលដ្ឋានតាមយុទ្ធសាស្ត្រ របស់រាជរដ្ឋាភិបាល ដែលមានសម្ដេចតេជោ ហ៊ុន សែនជាប្រមុខដឹកនាំ៕
ចំនួនអ្នកទស្សនា
- ថ្ងៃនេះ6881
- ម្សិលមិញ2931
- សប្តាហ៍នេះ19071
- ខែនេះ6881
- ឆ្នាំនេះ990101
- សរុប20217547