លោក ផេន សុផល ចូលរួមជាអធិបតីភាពសម្ពោធដាក់អោយប្រើប្រាស់និងកសាងបន្តផ្លូវបេតុង១ខ្សែនៅឃុំពាមប្រធ្នោះ
22-May-2016 | ដោយ មែន កំសត់
កំពង់ចាម៖ នៅព្រឹកថ្ងៃទី២១ ខែ ឧសភា ឆ្នាំ២០១៦ លោក ផេន សុផល អភិបាលស្រុកកោះសូទិន បានអញ្ជើញចូលរួមជាអធិបតីភាពសម្ពោធដាក់អោយប្រើប្រាស់និងកសាងបន្តផ្លូវបេតុង១ខ្សែប្រវែង៥០០ម៉ែត្រទទឹង៥ម៉ែត្រស្ថិតនៅក្នុងភូមិពាមឃុំពាមប្រធ្នោះ ស្រុកកោះសូទិន ខេត្តកំពង់ចាម។
ពិធីនេះមានវត្តមានចូលរួម ពីមន្ត្រីសាលាស្រុក ក្រុមប្រឹក្សាឃុំ ក្រុមប្រឹក្សាស្រុក មេភូមិ កម្លាំងមន្ត្រីរាជការសាលាស្រុកកោះសូទិន រួមជាមួយសប្បុរសជននានានិងពុទ្ធបរិស័ទចំណុះជើងវត្តជាច្រើននាក់ផងដែរ។
ក្រោយពីស្ដាប់របាយការណ៍របស់ព្រះគ្រូចៅអធិការវត្ត និង លោក មេឃុំពាមប្រធ្នោះ នៅក្នុងឱកាសនោះដែរ ក៏បានជម្រាបជូនអំពីប្រវត្តិនៃការកសាងសមិទ្ធិនានាក្នុងវត្ត គ្រប់ដំណាក់កាលនៃការកសាងទីអារាមនិងផ្លូវបេតុងនេះ គឺប្រជាពលរដ្ឋរួមនឹងព្រះសង្ឃក៏ដូចជាពុទ្ធបរិស័ទចំណុះជើងវត្ត បាន ខិតខំប្រឹងប្រែងយ៉ាងខ្លាំងក្នុងការកសាងសមិទ្ធផលនានា រួមជាមួយសប្បុរសជននានាទៅតាមលទ្ធភាព និងធនធានដែលមាន តែត្រូវបំផ្លាញទាំងស្រុងនៅក្នុងសម័យកម្ពុជាប្រជាធិបតេយ្យ ។
ថ្លែងទៅកាន់ប្រជាពលរដ្ឋ មន្ត្រីរាជការនាឱកាសនោះលោក ផេន សុផល អភិបាលស្រុកកោះសូទិន បានលើកឡើងដោយផ្លូវបេតុង១ខ្សែប្រវែង៥០០ម៉ែត្រទទឹង៥ម៉ែត្រនេះដឹកនាំកសាងដោយព្រះចៅអធិការវត្តពាមរួមជាមួយសប្បុរសជននានានិងពុទ្ធបរិស័ទចំណុះជើងវត្តហើយលោកអភិបាល ក៏ បានធ្វើការក្រើនរំលឹកម្តងហើយម្តងទៀត ទៅដល់អាជ្ញាធរដែនដី និង កងកម្លាំងទាំងបី ត្រូវយកចិត្តទុកដាក់ឱ្យបានខ្ពស់បំផុត ទៅលើការអនុវត្តគោលនយោបាយភូមិឃុំ មានសុវត្ថិភាព ដើម្បីការពារសន្តិសុខ សណ្ដាប់ធ្នាប់ បម្រើសេវាសាធារណៈ និង ផលប្រយោជន៍ជូនប្រជាពលរដ្ឋនៅមូលដ្ឋាន។ហើយចូលរួមកិច្ចអភិវឌ្ឍន៍ មូលដ្ឋាននិងដោះស្រាយ តម្រូវការ ជូនប្រជាពលរដ្ឋឲ្យបានល្អប្រសើរ បម្រើសេវាសាធារណៈតាមកម្រៃរដ្ឋបាលរបស់ថ្នាក់ក្រោមជាតិ តាមយុទ្ធសាស្ត្ររបស់រាជរដ្ឋាភិបាលដែលមាន សម្ដេចតេជោ ហ៊ុន សែនជាប្រមុខដឹកនាំ៕
ចំនួនអ្នកទស្សនា
- ថ្ងៃនេះ6351
- ម្សិលមិញ2931
- សប្តាហ៍នេះ18541
- ខែនេះ6351
- ឆ្នាំនេះ989571
- សរុប20217017