ពិធីបុណ្យសាងព្រះពុទ្ធបដិមាព្រះជិវរធំ និងរាប់បាត្រព្រះសង្ឃចំនួន១០៨អង្គ នៅមណ្ឌលសុខភាពព្រះសង្ឃ
23-May-2016 | ដោយ មែន កំសត់
ភ្នំពេញ៖នៅព្រឹក ទី២២ ខែឧសភា ឆ្នាំ២០១៦ វេលាម៉ោង ០៧ និង៥០នាទី ឯកឧត្តម ប៉ា សុជាតិវង្ស អភិបាលរាជធានីភ្នំពេញ ជាតំណាងដ៏ខ្ពង់ខ្ពស់របស់ សម្តេចក្រឡាហោម ស ខេង ឧបនាករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ អញ្ជើញជាអធិបតីក្នុងពិធីបុណ្យសាងព្រះពុទ្ឋបដិមាព្រះជីវរធំ និងរាប់បាត្រព្រះសង្ឃចំនួន១០៨អង្គ នៅមណ្ឌលសុខភាពព្រះសង្ឃ ផ្លូវជាតិលេខ៥ ភូមិគ្រួស សង្កាត់សំរោង ខណ្ឌព្រែកព្នៅរាជធានីភ្នំពេញ។
ពិធីបុណ្យ នេះមានការចូលរួមពី មន្រី្តរាជការសាលារាជធានីភ្នំពេញ ក្រុមប្រឹក្សាខណ្ឌ អភិបាលខណ្ឌ កងកម្លាំងប្រដាប់អាវុធ ក្រុមប្រឹក្សាសង្កាត់ ពុទ្ធបរិស័ទ្ធ និងប្រជាពលរដ្ឋប្រមាណ ១០០០នាក់ផងដែរ។
នាឱកាសនោះឯកឧត្តម ប៉ា សុជាតិវង្ស អភិបាលរាជធានីភ្នំពេញ បានមានមតិថា៖ពិធីបុណ្យសិតព្រះពុទ្ធរូប និងរាប់បាត្រព្រះសង្ឃ នាពេលនេះធ្វើឡើងស្របពេលដែល រាជរដ្ឋាភិបាលកម្ពុជា និងបងប្អូនប្រជាពលរដ្ឋខ្មែរ ដែលជាពុទ្ឋសាសនិកទ្រទ្រង់វិស័យព្រះពុទ្ឋសាសនា នៅទូទាំងប្រទេស ទើបតែបានចូលរួមយ៉ាងសស្រាក់សស្រាំប្រារព្ធព្រះរាជធិពីដង្ហែព្រះបរមសារីរិកធាតុ ហើយដែលបានឆ្លុះបញ្ចាំងឲ្យឃើញពីជំនឿរចំពោះព្រះពុទ្ឋសាសនា និងស្នារតីសាមគ្គីនិងការគាំទ្រ របស់ប្រជាពលរដ្ឋគ្រប់រូប ចំពោះកិច្ចខិតខំប្រឹងប្រែង របស់រាជរដ្ឋាភិបាលកម្ពុជាក្នុងដំណើរការស្តារកសាង ប្រទេសលើគ្រប់វិស័យ តាំងពីបាតដៃទទេមក។
ឯកឧត្តមក៏គូសបញ្ជាក់ នៅរាជធានីភ្នំពេញ មានវត្តអារាម ១៤៩វត្ត និងមានព្រះសង្ឃគង់អាស្រ័យ ៧៤៧២អង្គ ហើយមាន ពុទ្ឋិកបឋមសិក្សាចំនួន ៣១កន្លែង ពុទ្ឋិកអនុវិទ្យាល័យចំនួន ៣កន្លែងនិងពុទ្ឋិកវិទ្យាល័យចំនួន ១កន្លែង សរុបមានសមណសិស្សសិក្សា ២១៤៩ អង្គ៕
ចំនួនអ្នកទស្សនា
- ថ្ងៃនេះ5951
- ម្សិលមិញ2931
- សប្តាហ៍នេះ18141
- ខែនេះ5951
- ឆ្នាំនេះ989171
- សរុប20216617