ប្រជាពលរដ្ឋក្រីក្រ១០គ្រួសារ នៅសង្កាត់ចាក់អង្រែក្រោមបានទទួលអំណោយកាកបាទក្រហមកម្ពុជា
24-May-2016 | ដោយ មែន កំសត់
រាជធានីភ្នំពេញ ៖ នៅវេលាល្ងាចថ្ងៃទី២៣ ខែឧសភា ឆ្នាំ២០១៦នេះ អនុសាខាកាកបាទក្រហមកម្ពុជាខណ្ឌមានជ័យ ក្រោមវត្តមាន លោក ឌី រ័ត្នខេមរុណ ប្រធានអនុសាខាកាកបាទក្រហមកម្ពុជាប្រចាំខណ្ឌមានជ័យ បានដឹកនាំសមាជិកសមាជិការអនុសាខាកាកកបាទក្រហមខណ្ឌ នាំយកអំណោយមនុស្សធម៌របស់សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ចែកជូនប្រជាពលរដ្ឋក្រីក្រជួបការលំបាកចំនួន១០គ្រួសារ ដែលរស់នៅក្នុងភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
អំណោយចែកជូនរួមមាន អង្ករមួយបាវ ទម្ងន់៣០គីឡូក្រាម ឃីត១ឈុត(មុង ភួយ ក្រមា) ត្រីខ១យួរ ស្មើនឹង១០កំប៉ុង ទឹកត្រី១យួរ ទឹកស៊ីអ៊ីវមួយយួរ រួមទាំងថវិកាចំនួន ៤ម៉ឺនរៀលផងដែរ ។ ក្នុងឱកាសនេះដែរ លោក ឌី រ័ត្នខេមរុណ អភិបាលរងខណ្ឌមានជ័យ និងជាប្រធានអនុសាខាកាកបាទក្រហមកម្ពុជាប្រចាំខណ្ឌមានជ័យ បានមានប្រសាសន៍ឲ្យដឹងថា ការនាំយកអំណោយចែកជូនបងប្អូននៅពេលនេះ គឺអាជ្ញាធរធ្វើឡើងមិនមានពាក់ព័ន្ធទៅនឹងនិន្នាការនយោបាយណាមួយនោះ ទេ គឺជាការមើលឃើញជាក់ស្តែងពីសុខទុក្ខលំបាករបស់បងប្អូន ពីសំណាក់កាកកបាទក្រហមកម្ពុជា ដែលមានសម្តេចកិតិព្រឹទ្ធបណ្ឌិតប៊ុនរ៉ានី ហ៊ុនសែន ជាប្រធាន ។
ឆ្លៀតក្នុងឱកាសដដែលនេះ លោកប្រធានអនុសាខា បានមានប្រសាសន៍ផ្ញើក្តីនឹករលឹកយ៉ាងក្រៃលែង ពីសំណាក់សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ជូនចំពោះបងប្អូន ។ ថ្វីត្បិតតែពេលនេះសម្តេចមិនមានវត្តមាននៅទីនេះពិត មែន ប៉ុន្តែចិត្តរបស់សម្តេចតែងឋិតនៅក្បែរបងប្អូនជានិច្ច ដែលលោកតែងតែក្រើនរំលឹកដល់មន្ត្រីក្រោមឱវាទឲ្យធ្វើយ៉ាងណា ត្រូវយកចិត្តទុកដាក់ខ្ពស់ទៅលើប្រជាពលរដ្ឋក្រីក្រលំបាក តោកយ៉ាក ចាស់ជរា អ្នកកើតជំងឺរ៉ាំរៃ និងជាពិសេសជនមានផ្ទុកមេរោគអេដស៍ គឺមិនត្រូវមើលរំលងជាដាច់ខាត ព្រោះសុខទុក្ខរបស់ពលរដ្ឋកម្ពុជា គឺជាសុខទុករបស់សម្តេចកតិព្រឹទ្ធិបណ្ឌិត ប៊ុនរ៉ានី ហ៊ុនសែន ដូចគ្នា ៕
ចំនួនអ្នកទស្សនា
- ថ្ងៃនេះ6041
- ម្សិលមិញ2931
- សប្តាហ៍នេះ18231
- ខែនេះ6041
- ឆ្នាំនេះ989261
- សរុប20216707