លោកស្រី អ៊ួង សុផល្លា ឃ្លាំង ហួត ចែកអំណោយជូនប្រជាពលរដ្ឋក្រីក្រ ចាស់ជរាគ្មានទីពឹង
25-May-2016 | ដោយ មែន កំសត់
រាជធានីភ្នំពេញ ៖ នៅព្រឹកថ្ងៃទី២៥ ឧសភាឆ្នាំ២០១៦ នៅក្នុងសាលាសង្កាត់ព្រែកតាសេក ខណ្ឌជ្រោយចង្វារ បានរៀបចំ ពិធីចែកអំណោយរបស់សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនប្រជាពលរដ្ឋក្រីក្រ ចាស់ជរាគ្មានទីពឹង និងផ្ទុកមេរោគចំនួន៣០គ្រួសារ នៅសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
ពិធីនេះមានវត្តមានចូលរួមពីលោកស្រី កែវ ច័ន្ទស៊ុនណារី ប្រធានគណៈកម្មាការអនុសាខាកាកបាទក្រហមកម្ពុជា ខណ្ឌជ្រោយចង្វារ ក្រុមប្រឹក្សាសង្កាត់ សសយក យុវជនមេភូមិ កងកម្លាំងនគរបាល និងមន្ត្រីនៃសមាគមនារីកម្ពុជា ដើម្បីសន្តិភាព និងអភិវឌ្ឍន៍ខណ្ឌជ្រោយចង្វារ ជាច្រើននាក់ផងដែរ ស្ថិតក្រោមអធិបតីភាព លោកស្រី អ៊ួង សុផល្លាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ខណ្ឌជ្រោយចង្វារ ជាភរិយា និងជាតំណាងលោក ឃ្លាំង ហួត អភិបាលខណ្ឌ។
នាឱកាសនោះលោកស្រី អ៊ួង សុផល្លា ជាភរិយា និងជាតំណាងលោក ឃ្លាំង ហួត ក៏បានពាំនាំនូវការផ្តាំផ្ញើសួរសុខទុក្ខពីសំណាក់ថ្នាក់ដឹកនាំ ជាពិសេសសម្តេចតេជោ និងសម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ដែលលោកតែងតែយកចិត្តទុកដាក់គិតគូរពីសុខទុក្ខរបស់បងប្អូនប្រជាពលរដ្ឋ នៅទូទាំងប្រទេស ដោយមិនប្រកាន់នូវនិន្នាការនយោបាយអ្វីឡើយ។
ក្រោយពីសំណេះសំណាលលចប់លោកស្រី ក៏បានចែកនូវ អំណោយ ដោយក្នុង ១គ្រួសារទទួលបានអង្ករចំនួន៣០គីឡូក្រាម, មី១កេស, ត្រីខ១យួរ (១០កំប៉ុង), ឃីត១, មុង១, ភួយ១, សារ៉ុង១, ក្រម៉ា១ និងថវិកាចំនួន៧ម៉ឺនរៀលផងដែរ៕
ចំនួនអ្នកទស្សនា
- ថ្ងៃនេះ6261
- ម្សិលមិញ2931
- សប្តាហ៍នេះ18451
- ខែនេះ6261
- ឆ្នាំនេះ989481
- សរុប20216927