លោក សុខ សម្បត្តិ ដឹកនាំកិច្ចប្រជុំគណៈបញ្ជាការឯកភាពខណ្ឌព្រែកព្នៅ
28-May-2016 | ដោយ មែន កំសត់
ភ្នំពេញ៖ នារសៀលថ្ងៃទី២៧ ខែឧសភា ឆ្នាំ២០១៦ វេលាម៉ោង ៣និង០០ នាទីនាសាលប្រជុំសាលាខណ្ឌព្រែកព្នៅ លោក សុខ សម្បត្តិ អភិបាលខណ្ឌ បានដឹកនាំកិច្ចប្រជុំគណៈបញ្ជាការឯកភាពខណ្ឌស្តីពីបញ្ហាសន្តិសុខ សណ្តាប់ធ្នាប់ទូទៅ និងក្នុងមូលដ្ឋាន ហើយកិច្ចប្រជុំ នេះដែរក៏មានការចូលរួមលោកអធិការ អធិការងខណ្ឌ លោកស្រី សមាជិកក្រុមប្រឹក្សាសង្កាត់អភិបាលរង មន្ត្រីការិយាល័យជំនាញ ក្រុមប្រឹក្សាខណ្ឌ នាយប៉ុស្តិ៍ នាយកនាយករងសាលាបឋមសិក្សា អនុវិទ្យាល័យ ប្រជាការពារសង្កាត់ ជាច្រើននាក់ផងដែរ។
កិច្ចប្រជុំដំណើរការតាមរបៀបវារៈដោយផ្តោតទៅលើ ៖១/ បញ្ហាយឿត្រីផ្លូវជាតិលេខ៥ និងសណ្តាប់ធ្នាប់ផ្សារព្រែកព្នៅ ២/ បញ្ហាអន្តោប្រវេសន៍ ៣/ បញ្ហាផ្សេងៗ។ ក្រោយពី លោកនាយករដ្ឋបាលបានអាននូវរបាយការណ៍ស្ដីពីសកម្មភាព អនុវត្តន៍ការងារ របស់រដ្ឋបាលសង្កាត់រយៈពេល១ខែកន្លងមកនិងផែនការដែលត្រូវអនុវត្តន៍ បន្តនាពេលខាងមុខរួចមក មានមតិសំណេះសំណាលទៅកាន់កិច្ចប្រជុំនាឱកាសនោះដែរលោក សុខ សម្បត្តិ អភិបាលខណ្ឌ បានជម្រុញដល់សមត្ថកិច្ច អាជ្ញាធរមូលដ្ឋាន ត្រូវយកចិត្តទុកដាក់លើការ ការពារ សន្តិសុខសណ្ដាប់ធ្នាប់សាធារណៈ ការបង្ក្រាបបទល្មើសគ្រប់ប្រភេទឲ្យបានទាន់ពេលវេលា មានផែនការមានការដាក់វេនប្រចាំការរវាង កងកម្លាំងប្រជាការពារ សង្កាត់ ភូមិ សហការជាមួយប៉ុស្តិ៍នគរបាល ក្រុមប្រឹក្សាសង្កាត់ដើម្បីបង្ការបង្ក្រាបនូវបាតុភាពដែលបង្កឡើងដោយ ក្រុម ក្មេងទំនើងនិងបទល្មើសផ្សេងៗ ក្រុមប្រមូលផ្ដុំ អាវខ្មៅរបស់ក្រុមបក្សឬសង្គមស៊ីវិល ទាមទារឲ្យដោះលែងសកម្មជនអង្គការ និងជនល្មើស និងព្រមទាំងបាតុភាពជាយថាហេតុដែលកើតមាន ផ្ដល់ព័ត៌មានតាមរយៈអាយកូម លើកិច្ចប្រតិបត្តិការជារៀងរាល់ថ្ងៃ ស្រាវជ្រាវស្វែងរកមុខសញ្ញាគ្រឿងញៀន បង្ក្រាបល្បែងស៊ីសងគ្រប់ប្រភេទ ឲ្យខានតែបាន ហើយត្រូវរៀបចំក្រុមការងារ ចុះធ្វើការឆែកឆេរអាវុធ ជាតិផ្ទុះ ច្បាប់ចរាចរណ៍ផ្លូវគោក គ្រឿងស្រវឹង ដើម្បីពង្រឹង និងកាត់បន្ថយ អសន្តិសុខនៅមូលដ្ឋាន លោកអភិបាលខណ្ឌក៏បានលើកឡើងបន្ថែមទៀតដែរថា៖ត្រូវចុះធ្វើ រដ្ឋបាលចំហរនៅគ្រប់ មូលដ្ឋានដើម្បីងាយស្រួលក្នុងការក្ដាប់មុខសញ្ញា និងគ្រប់គ្រងស្ថិតិប្រជាពលរដ្ឋបានត្រឹមត្រូវ ចំពោះប្រជាពលរដ្ឋដែលខ្វះខាតទឹកប្រើប្រាស់ត្រូវស្រង់ស្ថិតិ ឲ្យបានច្បាស់ផ្ញើមកកាន់សាលាសង្កាត់ដើម្បី ស្វែងរកសប្បុរសជនចូលរួមដោះស្រាយជូននពួកគាត់ឲ្យបានទាន់ពេលវេលា លោកក៏បន្ថែមស្នើដល់ចៅសង្កាត់និងក្រុមប្រឹក្សាសង្កាត់ត្រូវសហការនិងប៉ុស្តិ៍នគរបាលមេភូមិត្រូវបន្រការគ្រប់គ្រងលើស្ថិតិជនអន្តោប្រវេសន៍ឲ្យបាននិងទប់ស្កាត់បង្ក្រាបនូវសកម្មភាពអសកម្មទាំងឡាយរបស់ជនទាំងនោះដើម្បីឲ្យមានសន្តិសុខនិងអនុវត្តន៍តាមច្បាប់នៃព្រះរាជាណាចក្រកម្ពុជា ៕ -
ចំនួនអ្នកទស្សនា
- ថ្ងៃនេះ5391
- ម្សិលមិញ2931
- សប្តាហ៍នេះ17581
- ខែនេះ5391
- ឆ្នាំនេះ988611
- សរុប20216057