លោកម៉ននី បណ្ឌិត ចូលរួមប្រមូលធនធានសប្បុរសជន ទិវាកុមារអន្តជាតិនៅផ្សារ ព្រែកសណ្តែក
01-June-2016 | ដោយ មែន កំសត់
ព្រៃវែង៖នៅព្រឹកថ្ងៃទី១ មិថុនា ២០១៦ (ទិវាកុមារអន្តជាតិ)លោកម៉ននី បណ្ឌិត អភិបាលស្រុកស៊ីធរកណ្ដាល និងព្រះចៅអធិការវត្តព្រែកចង្ក្រានក្រោម ប្រធានការិយាល័យ អប់រំយុវជននិងកីឡាស្រុក និង ក្លឹបយុវជនកាកបាទក្រហម វិទ្យាល័យព្រែកសណ្តែក បានចូលរួម និងដឹកនាំសកម្មភាពគៀងគរធនធាន ដើម្បីកិច្ចការមនុស្សធម៌ ជួយឧបត្ថម្ភដល់ចាស់ជរា ជនចូលនិវត្តន៍ ក្រីក្រ កុមារពិការ កុមារក្រីក្រ កុមារកំព្រាខ្វះលទ្ធភាពរៀនសូត្រនៅតាមមូលដ្ឋាន ដែលទទួលបានលទ្ធផល មី2 កេស និង 10 កញ្ចប់ ជាថវិកា 25$ និង 770,000រៀល។
លោកម៉ននី បណ្ឌិត អភិបាលស្រុកស៊ីធរកណ្ដាលបានលើកឡើងដែរថា៖ក្នុងនាមជាគណៈកម្មាធិការអនុសាខាកាកបាទក្រហមស្រុកស៊ីធរកណ្ដាល សូមថ្លែងអណរគុណយ៉ាងជ្រាលជ្រៅ ចំពោះការប្តេជ្ញាចិត្តរបស់លោកគ្រូ ប្អូនៗយុវជនកាកបាទក្រហម វិទ្យាល័យព្រែកសណ្តែកដែលបានចំណាយអស់កម្លាំកាយចិត្តក្នុងការអនុវត្តសកម្មភាពកៀគរធនធាន នាឱកាសព្រឹកនេះ។ជាពិសេសលោកសូមគោរពថ្លែងអំណរអគុណចំពោះទឹកចិត្តជ្រះថ្លា របស់បងប្អូនប្រជាពលរដ្ឋ អាជីករនៅទីប្រជុំជនផ្សារព្រែកសណ្ដែក ដែលបានបរិច្ចាកធនធានផ្ទាល់ខ្លួនចូលរួមក្នុងកិច្ចការមនុស្សធម៌។
លោកក៏បានលើកឡើងដែរថា៖ ទិវាកុមារកម្ពុជា និង ទិវាកុមារអន្តរជាតិ ១មិថុនា ឆ្នាំនេះ គឺប្រារព្វធ្វើឡើង ក្រោមប្រធានបទ រួមគ្នាការពារកុមារ ពីអំពើកុមារនិងការ ប្រើប្រាស់គ្រឿងញៀន និង ទិវាពិភពលោកប្រឆាំង ពលកម្មកុមារ១២មិថុនា ក្រោមប្រធានបទ រួមគ្នាបញ្ចប់ពលកម្មកុមារនៅក្នុងចង្វាក់ ផលិតកម្មកុមារដើម្បីរំលឹកសិទ្ឋិជាមូលដ្ឋានរបស់កុមារ និងការបង្ហាញពីការយកចិត្តទុកដាក់របស់រាជរដ្ឋាភិបាល ក្នុងការដោះស្រាយ បញ្ហាប្រឈមទាំងឡាយរបស់កុមារ ជាពិសេសការបង្ការទប់ស្កាត់ ការការពារកុមារពីអំពើហិង្សា ការប្រើប្រាស់គ្រឿងញៀននិងការ លុបបំបាត់ពលកម្មកុមារ ៕
ចំនួនអ្នកទស្សនា
- ថ្ងៃនេះ4291
- ម្សិលមិញ2931
- សប្តាហ៍នេះ16481
- ខែនេះ4291
- ឆ្នាំនេះ987511
- សរុប20214957