លោក ប៉ឹល កុសល រៀបចំវេទិកាសាធារណៈ ស្តីពីការអនុវត្តគោលនយោបាយ (ភូមិ-សង្កាត់មានសុវត្ថិភាព)
04-June-2016 | ដោយ មែន កំសត់
ភ្នំពេញ៖នៅថ្ងៃទី ០៣ ខែ មិថុនា ឆ្នាំ២០១៦ សាលាសង្កាត់ភ្នំពេញថ្មីបានរៀបចំវេទិកាសាធារណៈ ស្តីពីការអនុវត្តគោលនយោបាយ (ភូមិ-សង្កាត់មានសុវត្ថិភាព) នៅក្នុងបរិវេណបូរីពិភពថ្មី ស្ថិតនៅភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ក្រោមអធិបតីភាព លោក ប៉ឹល កុសល អភិបាលនៃគណៈអភិបាលខណ្ឌសែនសុខ។
ពិធីនេះមានវត្តមានចូលរួមពីលោក ជុំ សារ៉ាយ ចៅសង្កាត់ភ្នំពេញថ្មី និងលោក ម៉ក់ហុង អធិការនគរបាលខណ្ឌសែនសុខ ក្រុមប្រឹក្សាសង្កាត់ មេភូមិ និង ប្រជាពលរដ្ឋជាច្រើននាក់ផងដែរ ។
បន្ទាប់ពីលោក ជុំ សារ៉ាយ ចៅសង្កាត់ភ្នំពេញថ្មី បានធ្វើបទបង្ហាញជូន និងរបាយការណ៍ ស្ដីពីកិច្ចសហប្រតិបត្តិការ របស់ សមត្ថកិច្ច និង អាជ្ញាធរ ដែលបានអនុវត្តន៍នាពេលកន្លងមក ហើយលោកក៏បានជម្រាបជូននូវគោលនយោបាយ ភូមិ សង្កាត់មាន សុវត្ថិភាព ៩ចំនុច ដល់ប្រជាពលរដ្ឋដែលបានចូលរួមឲ្យបានយល់ដឹងនិងជ្រាបរួចមក។
នាឱកាសនោះ លោក ប៉ឹល កុសល អភិបាលនៃគណៈអភិបាលខណ្ឌសែនសុខ បានធ្វើការសំណេះសំណាលទៅកាន់បងប្អូន អ្នក ចូលរួមប្រកបដោយភាពកក់ក្ដៅ និងស្និទ្ធស្នាល បំផុត លើសពីការសំណេះសំណាល លោក ក៏បានសំណូមពរដល់ប្រជាពលរដ្ឋ មេត្តាចូលរួមគោរពច្បាប់ចរាចរណ៍ និង ចូលរួម សហការ លើការអនុវត្តន៍ គោលនយោបាយ ភូមិឃុំមានសុវត្ថិភាព ឲ្យមានប្រសិទ្ធ ភាព មិនប្រព្រឹត្ត ល្បែងស៊ីសងគ្រប់ប្រភេទ មិនប្រើប្រាស់គ្រឿងញៀនខុសច្បាប់ ក្នុងករណីនៅតែល្មើស មិនព្រមបញ្ឈប់ សមត្ថកិច្ចនិងអាជ្ញាធរ នឹងបន្ត ការបង្ក្រាប ស្រាវជ្រាវ ស្វែងរក យកជនដែលប្រព្រឹត្តនោះមកដាក់ទោសឲ្យខានតែបាន លោកក៏បានបន្តផងដែរថា៖ សូមបងប្អូនចូលរួមសហការផ្ដល់ព័ត៌មាន ពាក់ព័ន្ធ សភាព ការ កើតឡើង ឬ ការងារផ្សេងៗ តាមរយៈលេខទូរសព្ទ សាលាសង្កាត់ ប៉ុស្តិ៍នគរបាល ឬតាមរយៈលោកមេភូមិ ដើម្បី ថ្នាក់សង្កាត់មានវិធានការទប់ស្កាត់បានទាន់ពេលវេលាបន្ទាប់មកលោកអភិបាលក៏បានចែកអត្តសញ្ញាណប័ណ្ណសញ្ជាតិខ្មែរចំនួន ៤៥០ សន្លឹក ជូនប្រជាពលរដ្ឋស្ថិតនៅសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ៕
ចំនួនអ្នកទស្សនា
- ថ្ងៃនេះ4481
- ម្សិលមិញ2931
- សប្តាហ៍នេះ16671
- ខែនេះ4481
- ឆ្នាំនេះ987701
- សរុប20215147