​ភ្នំពេញ​៖​នា​ព្រឹក​ថ្ងៃទី ០៤​ខែមិថុនា ឆ្នាំ ២០១៦​នេះ ក្រុមការងារ​អនុសាខា​កាកបាទក្រហមកម្ពុជា ខណ្ឌ​ព្រែក​ព្នៅ​បាន​ចុះសាកសួរ​សុខទុក្ខ និង​នាំយក​អំណោយ​មនុស្សធម៌​របស់​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា ទៅ​ចែកជូន​ដល់​ប្រជាពលរដ្ឋ ចាស់ជរា​មាន​ជីវភាព​ខ្វះខាត​ចំនួន​១០​គ្រួសារ ដែល​រស់នៅ​ក្នុងភូមិ​ត្រ​ពាំង​ពោធិ៍ ភូមិ បែក​បក ភូមិ​កប់​ស្រូវ​តូច សង្កាត់​គោក​រកា​ខណ្ឌ ព្រែក​ព្នៅ​
​រាជធានី​ភ្នំពេញ ។

​លោក ជា ខេ​មា ប្រធាន​អនុសាខា​កាកបាទក្រហមកម្ពុជា ខណ្ឌ​ព្រែក​ព្នៅ បាន​មានប្រសាសន៍​​លើកឡើង​ពី​ការយកចិត្តទុកដាក់​គិតគូរ​ខ្ពស់​ជាប់​ជានិច្ច​ពី​សំណាក់​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា ដល់​សុខទុក្ខ​ប្រជាពលរដ្ឋ​ដែល​រងគ្រោះ និង​ងាយ​រងគ្រោះ​ដោយ​ប្រការ​ផ្សេងៗ មិន​ថា​ទីជិត​ទី​ឆ្ងាយ គ្រប់​ច្រកល្ហក ពោល​(​ទីណា​មានការ​លំបាក ទីនោះ​មាន​កាកបាទក្រហមកម្ពុជា​) ។
​អំណោយ​ដែល​បាន​ចែកជូន​គ្រួសារ​នីមួយៗ​ទទួលបាន​៖ អង្ករ​៣០​គីឡូក្រាម មី​១​កេស ត្រីខ​១​យួរ ឃី​ត​១​ក្នុងនោះ​មាន​(​មុង​១ ភួយ​១ ក្រមា​១ សារុង​១) និង​ថវិកា​ចំនួន​២​មុ​ឺ​ន​រៀល​ផងដែរ​៕
​