គណៈបញ្ជាការឯកភាពខណ្ឌព្រែកព្នៅបានចុះទៅណែនាំម្ចាស់យឿត្រី-ម្ចាស់ផ្ទះលក់នៅតាមផ្លូវ
05-June-2016 | ដោយ មែន កំសត់
ភ្នំពេញ៖នៅព្រឹកថ្ងៃទី០៤ ខែមិថុនា ឆ្នាំ២០១៦ លោក ហែម ឬទ្ធី នាយករងរដ្ឋបាលខណ្ឌ បានដឹកនាំកម្លាំងគណៈបញ្ជាការឯកភាពខណ្ឌព្រែកព្នៅ ដែលមានសមាសភាពដូចតទៅ ៖
១.លោក ប៊ុន សាង អធិការរងនគរបាលខណ្ឌ
២.លោក ទេព ពៅ ចៅរងទី១ សង្កាត់ ព្រែកព្នៅ
៣.លោក វណ្ណ បឿង នាយនគរបាលប៉ុស្តិ៍ព្រែកព្នៅ
៤.លោកស្រីប្រធានភូមិពោធិ៍មង្គល
៥.លោកអនុប្រធានផ្នែកសណ្តាប់ខណ្ឌទាំង២
៦.កម្លាំងនគរបាលខណ្ឌ,កម្លាំងសណ្តាប់ធ្នាប់ខណ្ឌ
ដោយសហការជាមួយក្រុមហ៊ុនចិនសៀងហៃ បានចុះទៅណែនាំម្ចាស់យឿត្រី-ម្ចាស់ផ្ទះលក់ត្រី និងម្ចាស់ផ្ទះ ជួលមុខផ្ទះរបស់ខ្លួនឲ្យអ្នកលក់ត្រី នៅតាមផ្លូវដែលក្រុមហ៊ុនចិនកំពុងធ្វើ ស្ថិតនៅភូមិពោធិ៍មង្គល ដូចខាងក្រោម៖
១.រថយន្តដឹកត្រីត្រូវចូលក្នុងយឿត្រីឲ្យបានផុត
២.ហាមចតរថយន្តដឹកត្រីនៅលើផ្លូវដើម្បីធ្វើការផ្ទេរផ្ទូត្រី និង ហាមចតលើផ្លូវ
៣.ហាមចាក់ទឹកបង្ហៀរមកលើផ្លូវ
ក្នុងករណីមិនអនុវត្តតាមការណែនាំនិងអនុវត្តវិធានការដូចខាងក្រោម៖
១.ចាប់ខ្លួនអ្នកដែលប្រព្រឹត្ត និងឃាត់រថយន្តយកមករក្សាទុកនៅសាលាខណ្ឌ។
២.ធ្វើការដកហូតត្រី និងសម្ភារៈ បម្រើអាជីវកម្ម ដោយ មិនទទួលខុសត្រូវលេីការខូចខាតនិងបាត់បង់ឡើយយ ។
ជាលទ្ធផល ៖ ម្ចាស់យឿត្រី-ម្ចាស់ផ្ទះលក់ត្រីនិងម្ចាស់ផ្ទះ ជួលមុខផ្ទះរបស់ខ្លួនឲ្យគេលក់ត្រី បានឯកភាពតាមការណែនាំ និងបន្តផ្សព្វផ្សាយដល់អ្នកលក់ត្រី ពេលយប់បន្តទៀត ៕
ចំនួនអ្នកទស្សនា
- ថ្ងៃនេះ3241
- ម្សិលមិញ2931
- សប្តាហ៍នេះ15431
- ខែនេះ3241
- ឆ្នាំនេះ986461
- សរុប20213907