ប្តូរមេប៉ុស្តិ៍ព្រែកចាកដើម្បីឱ្យទីស្នាក់ការច្រកទ្វារមានភាពរីកចម្រើន
08-June-2016 | ដោយ មែន កំសត់
កំពត៖ អនុវត្តន៍តាមគោលការណ៍របស់ក្រសួងមហាផ្ទៃ និងក្នុងបំណងធ្វើឱ្យមានការរីកចម្រើន កាលពីរសៀលថ្ងៃទី៦ ខែមិថុនា ឆ្នាំ២០១៦ នៅសាលប្រជុំរបស់ស្នាក់ការបានធ្វើពិធីប្រកាសស្តីពីការផ្លាស់ប្តូរ និងប្រគល់ឱ្យចូលកាន់មុខតំណែងប្រធានទីស្នាក់ការត្រួតពិនិត្យ ច្រកទ្វារព្រំដែនអន្តរជាតិ ព្រែកចាក។ ពិធីនេះប្រព្រឹត្តឡើងក្រោមអធិបតីភាពលោកស្រីយូ សុគន្ធ អភិបាលរងខេត្តកំពត។
សេចក្តីប្រកាសមានខ្លឹមសារថា ត្រូវបានតែងតាំងលោកឡេង វិបុលនាយករងរដ្ឋបាលសាលាខេត្តកំពតជាប្រធាន ទីស្នាក់ការត្រួតពិនិត្យច្រកទ្វារព្រំដែនអន្តរជាតិព្រែកចាកជំនួសលោក អឹមប៉ុណ្ណាដែលត្រូវវិលត្រឡប់ទៅបំពេញការងារក្នុងក្របខ័ណ្ឌសាលាខេត្ត កំពត។ក្រោយពីទទួលនូវការតែងតាំងលោកឡេង វិបុលបានប្តេជ្ញាថានឹង បង្កើនទំនាក់ទំនងចំពោះមន្ទីរអង្គភាពនានាជុំវិញខេត្តអាជ្ញាធរ គ្រប់លំដាប់ថ្នាក់ដើម្បីលើកកម្ពស់ប្រសិទ្ធភាពការងារព្រមទាំងរឹតចំណង សាមគ្គីភាពឯកភាពផ្ទៃក្នុងជាមួយស្ថាប័នទាំងប្រាំពីរដែលកំពុងបំពេញ កិច្ចការនៅទីស្នាក់ការត្រួតពិនិត្យច្រកទ្វារអន្តរជាតិព្រែកចាកឱ្យ បានល្អនិងរឹងមាំ។
បន្តពូនជ្រំចំណងសាមគ្គីភាពនិងកិច្ច សហប្រតិបត្តការរវាងទីស្នាក់ការត្រួតពិនិត្យច្រកទ្វារអន្តរជាតិ ព្រែកចាក និងទីស្នាក់ការច្រកទ្វារអន្តរ ជាតិសាសៀ ហាទៀងឱ្យមានដំណើរការប្រសើរទ្វេដង៕
ចំនួនអ្នកទស្សនា
- ថ្ងៃនេះ3341
- ម្សិលមិញ2931
- សប្តាហ៍នេះ15531
- ខែនេះ3341
- ឆ្នាំនេះ986561
- សរុប20214007