រដ្ឋបាលរាជធានីភ្នំពេញប្រកាសបង្កើតសង្កាត់ចំនួន៩និងភូមិចំនួន៤៤ថ្មី
09-June-2016 | ដោយ មែន កំសត់
ភ្នំពេញ៖រដ្ឋបាលរាជធានីភ្នំពេញបាន រៀបចំកិច្ចប្រជុំផ្សព្វផ្សាយខ្លឹមសារប្រកាសរបស់ក្រសួងមហាផ្ទៃស្តីពី ការបង្កើតភូមិនិងសង្កាត់បន្ថែមសង្កាត់ចំនួន៩និងភូមិចំនួន៤៤ ថ្មីក្នុងរាជធានីភ្នំពេញកាលរសៀលថ្ងៃទី៧ខែមិថុនាឆ្នាំ២០១៦នៅ សាលារាជធានីភ្នំពេញក្រោមអធិបតីភាពឯកឧត្តមប៉ា សុជាតិវង្ស អភិបាលរាជធានីភ្នំពេញ។
ក្នុងកិច្ចប្រជុំនោះឯកឧត្តមអភិបាល រាជធានីភ្នំពេញបានលើកឡើងថាៈនៅក្នុងគោលបំណងពង្រឹងប្រសិទ្ធភាព ការគ្រប់គ្រងនិងការផ្តល់សេវាសាធារណៈនានាជួនប្រជាពលរដ្ឋនៅថ្នាក់ ខណ្ឌសង្កាត់ភូមិឲ្យបានគ្រប់ជ្រុងជ្រោយឆ្លើយតបបានល្អប្រសើទៅសំណូមពរ របស់ប្រជាពលរដ្ឋនៅមូលដ្ឋាននិងដោយផ្អែកលើកត្តាភូមិសាស្ត្រនិង កត្តាប្រជាសាស្ត្រជាពិសេសកំណើនប្រជាជនរស់នៅក្នុងរាជធានីភ្នំពេញមាន ការកើនឡើងជាលំដាប់នោះ ទើបរដ្ឋបាលរាជធានីភ្នំពេញស្នើសុំគោលការណ៍ ពីរាជរដ្ឋាភិបាលបង្កើតសង្កាត់ចំនួន៩និងភូមិចំនួន៤៤បន្ថែមពីលើ សង្កាត់ដែលមានស្រាប់ចំនួន៩៦និងភូមិចំនួន៩០៩។ទីក្រុងភ្នំពេញមាន ផ្ទៃដីសរុប៦៧៨គីឡូម៉ែត្រការ៉េនិងមានប្រជាពលរដ្ឋរស់នៅអចិន្ត្រៃយ៍ ជាង២លាននាក់និងចេញចូលបំពេញការងារពេលថ្ងៃនិងពេលយប់ទៅផ្ទះវិញ និងខ្លះស្នាក់នៅចល័ត៨០ម៉ឺននាក់សរុបជិត៣លាននាក់មានមធ្យោបាយ ធ្វើដំណើរមានរថយន្តជាង៣០ម៉ឺនគ្រឿងនិងម៉ូតូជិត២លានគ្រឿង។
គួរបញ្ជាក់ដែរថាក្នុងអាណត្តិលោកកែប ជុតិមាធ្វើជាអភិបាលរាជធានីភ្នំពេញរាជធានីភ្នំពេញពីឆ្នាំ២០០៣ដល់ ២០១៣ ខណ្ឌថ្មីចំនួន២គឺខណ្ឌសែន សុខនិងខណ្ឌពោធិ៍សែនជ័យត្រូវបានបង្កើតឡើងធ្វើឱ្យរាជធានីភ្នំពេញ មាន៩ខណ្ឌ ៩៦សង្កាត់។កាលពីលោកជា សុផារ៉ាធ្វើជាប្រតិភូរាជរដ្ឋាភិបាលទទួលបន្ទុកអភិបាលរាជធានីភ្នំពេញចាប់ ពីឆ្នាំ១៩៩៩ដល់ឆ្នាំ២០០៣ ក្រុងភ្នំពេញមានតែ៧ខណ្ឌនិង៧៦សង្កាត់ប៉ុណ្ណោះ។
ក្នុងដំណាក់កាលឯកឧត្តម ប៉ា សុជាតិវង្សធ្វើជាអភិបាលរាជធានីភ្នំពេញពីដើមខែឧសភាឆ្នាំ២០១៣មក លោកបានស្នើបង្កើតខណ្ឌចំនួន៣ថ្មីតែសង្កាត់៩៦ដដែលតែខណ្ឌឡើងដល់ ចំនួន១២ខណ្ឌ។ក្នុងឆ្នាំ២០១៦នេះគ្រោងបង្កើតសង្កាត់ថ្មីចំនួន៩ និងបង្កើតភូមិចំនួន៤៤បន្ថែមទៀត។
គួររំលឹកថាៈកាលពីឆ្នាំ ២០១៤សាលារាជធានីភ្នំពេញបានបង្កើតខណ្ឌថ្មីចំនួន៣បន្ថែមទៀតគឺ ខណ្ឌច្បារអំពៅ ខណ្ឌជ្រោយចង្វារនិងខណ្ឌព្រែកព្នៅសរុបមានចំនួន១២ខណ្ឌនិង៩៦ សង្កាត់ដដែល។៩៦សង្កាត់នេះតួលេខក្រោយពីកាត់២០ឃុំពីខេត្តកណ្ដាល មកស្ថិតក្រោមការគ្រប់គ្រងរដ្ឋបាលសាលារាជធានីភ្នំពេញកាលពីចុងឆ្នាំ ២០១០កន្លងមក។កាលមុនឆ្នាំ២០១៤រាជធានីភ្នំពេញមានខណ្ឌតែចំនួន៩ និងសង្កាត់ចំនួន៧៦ប៉ុណោះ៕
ចំនួនអ្នកទស្សនា
- ថ្ងៃនេះ3271
- ម្សិលមិញ2931
- សប្តាហ៍នេះ15461
- ខែនេះ3271
- ឆ្នាំនេះ986491
- សរុប20213937