លោកម៉ននី បណ្ឌិតចូលរួមក្នុង ពិធីបើកការដ្ឋានជួសជុលផ្លូវដីសដែលប្រើប្រាស់ មូលនិធិឃុំ ព្រៃទឹង
10-June-2016 | ដោយ មែន កំសត់
ព្រៃវែង៖នារសៀលថ្ងៃទី៩ខែឧសភាឆ្នា២០១៦ លោកម៉ននី បណ្ឌិត អភិបាលនៃគណៈអភិបាលស្រុកស៊ីធរកណ្ដាលបានចូលរួមក្នុង ពិធិីបើកការដ្ឋានជួសជុលផ្លូវដីស ដែលមានប្រវែង ៤គមដែលជាគម្រោងប្រើប្រាស់ របស់មូលនិធិឃុំ ព្រៃទឹង ស្រុកសីធរកណ្តាលហើយពិធីបើកការដ្ឋានជួសជុលផ្លូវដីសនេះមានវត្តមានចូលរួមពីមន្ត្រីសាលាស្រុក ការិយាល័យជំនាញ មន្ត្រីផអ៣ ទីប្រឹក្សាគម្រោង មន្ត្រីបច្ចេកទេស ក្រុមប្រឹក្សាឃុំ កងកម្លាំង ប្រដាប់អាវុធ មេភូមិ និងតំណាងប្រជាពលរដ្ឋដែលជាអ្នកទទួលផលពីគម្រោងជាច្រើននាក់ផងដែរ។
បន្ទាប់ពីលោកមេឃុំព្រៃទឹងបានធ្វើរបាយការណ៍សកម្មភាពស្ដីអំពីការអនុវត្តន៍សាងសង់ផ្លូវដីស ប្រវែហ៤គម ដែលប្រើប្រាស់មូលនិធិឃុំឆ្នាំ២០១៦និងមូលនិធិបដិភាគពីប្រជាពលរដ្ឋ និងដាក់ដេញថ្លៃនៅសាលាស្រុកនាពេលកន្លងមក ក្រោមកិច្ចសហការជាមួយមន្ត្រីស្រុក ខេត្តនិងក្រុមប្រឹក្សាឃុំ គឺគណៈកម្មាធិការលទ្ធកម្មបានជ្រើសរើសអ្នកទទួលការ ដើម្បីអនុវត្តន៍លើគម្រោងផ្លូវនេះ តាមបទដ្ឋាននិងគំនូសប្លង់បច្ចេកទេសលំអិត និងមានការត្រួតពិនិត្យតាមដានបច្ចេកទេសពីមន្ត្រីស្រុក ខេត្ត ក្រុមប្រឹក្សាឃុំ និងប្រជាពលរដ្ឋ។
នាឱកកាសនោះលោកម៉ននី បណ្ឌិត អភិបាលនៃគណៈអភិបាលស្រុកស៊ីធរកណ្ដាលបានមានមតិ និងសម្ដែងនូវក្ដីរីករាយ ចំពោះសមិទ្ធផលដែលសម្រេចបានរបស់ក្រុមប្រឹក្សាតាមនយោបាយកំណែទម្រង់ ដែលមូលនិធិអភិវឌ្ឍន៍គម្រោងតាមឆ្នាំថវិកាឃុំរបស់រាជរដ្ឋាភិបាលតាមផែនការវិនិយោគរបស់មូលដ្ឋានដែលបានលើកឡើង តាមបែបវិមជ្ឈការនៅថ្នាក់មូលដ្ឋាន ថ្នាក់ក្រោមជាតិ និងគាំទ្រដោយ មន្ត្រីគ្រប់អង្គភាពដែលពាក់ព័ន្ធ (គជអប) លោកអភិបាលក៏សំណូមពរដល់អ្នកទទួលការត្រូវគោរពតាមលក្ខខណ្ឌនៃកិច្ចសន្យា គំនូសប្លង់ត្រឹមត្រូវបច្ចេកទេស ហើយថ្នាក់ឃុំនិងប្រជាពលរដ្ឋត្រូវបង្កើនការតាមដានត្រួតពិនិត្យ លើការដ្ឋាន ដើម្បីបង្កើនការយកចិត្តតុកដាក់និងការធានាគុណភាពនូវគម្រោង ប្រើប្រាស់បានយូរអង្វែង មុនធ្វើការទូទាត់ប្រាក់ជុនអ្នកទទួលការត្រូវធ្វើការប្រជុំសម្រេចជាមួយក្រុមប្រឹក្សាឃុំ និងមានការចូលរួមពីប្រជាពលរដ្ឋដែលជាតំណាងអ្នកទទួលផង ដែរ មិនមែនចេះតែសម្រេចខុសតាមគោលការណ៍នែនាំខ្លឹមសារនៃសៀវភៅភីមនៃការអនុវត្តន៍គម្រោងមូលនិធិឃុំសង្កាត់ឡើយ៕
ចំនួនអ្នកទស្សនា
- ថ្ងៃនេះ4511
- ម្សិលមិញ2931
- សប្តាហ៍នេះ16701
- ខែនេះ4511
- ឆ្នាំនេះ987731
- សរុប20215177