ចុះបង្ក្រាបទីតាំងលេងហ្គេមអនឡាញ រឹបអូសបានសំភារៈហ្គេមមួយចំនួន
21-June-2016 | ដោយ មែន កំសត់
ភ្នំពេញៈ កម្លាំងប្រជាការពារខណ្ឌសែនសុខ និងសង្កាត់ភ្នំពេញថ្មី បន្ទាប់ពីមានបញ្ជាពីលោក ប៉ឹល កុសល អភិបាលនៃគណៈអភិបាលខណ្ឌសែនសុខ បញ្ជាមកលោកជុំ សារ៉ាយ ចៅសង្កាត់ភ្នំពេញថ្មីបានដឹកនាំចុះបង្ក្រាបទីតាំងលេងហ្គេមអនឡាញមួយកន្លែង កាលពីល្ងាចថ្ងៃ២០ ខែមិថុនា ឆ្នាំ២០១៦ ស្ថិតក្នុងភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ។
ប្រភពបានឱ្យដឹងថា ការចុះបង្ក្រាបនោះ ម្ចាស់ទីតាំងមិនត្រូវបានឃាត់ខ្លួនទេគ្រាន់តែរឹបអូសបានតែសំភារៈហ្គេមមួយចំនួន និងឃាត់ក្មេងៗតូចៗបាន១៣នាក់។
ចំណែកក្មេងៗញៀនហ្គេមអនឡានចំនួន១៣នាក់ (សុទ្ធតែមិនទាន់គ្រប់អាយុ)មកអប់រំនៅសាលាសង្កាត់ភ្នំពេញថ្មី និងហៅអាណាព្យាបាលមកធានា និងធ្វើកិច្ចសន្យាអប់រំទើបអោយវិលត្រឡប់ទៅផ្ទះវិញ។
ពលរដ្ឋពិតជាមានការសាទរចំពោះចំណាត់ការរបស់លោកអភិបាលខណ្ឌសែនសុខ និងសំណូមអោយលោកមេត្តាជួយបោសសំអាតទីតាំងហ្គេមអនឡាញអោយអស់ផងក្នុងខណ្ឌសែនសុខនេះ ពីព្រោះនៅមានច្រើនកន្លែងទៀត៕
ចំនួនអ្នកទស្សនា
- ថ្ងៃនេះ7171
- ម្សិលមិញ15191
- សប្តាហ៍នេះ50321
- ខែនេះ72201
- ឆ្នាំនេះ72201
- សរុប20514657