វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខណ្ឌព្រែកព្នៅ
22-June-2016 | ដោយ មែន កំសត់
ភ្នំពេញ៖នៅព្រឹកថ្ងៃទី២២ ខែមិថុនា ឆ្នាំ២០១៦ នេះ រដ្ឋបាលខណ្ឌព្រែកព្នៅ បានប្រារព្ធធ្វើវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខណ្ឌព្រែកព្នៅ អាណត្តិទី២ សម្រាប់សង្កាត់ពន្សាំង និងសង្កាត់គោករកា ក្រោមអធិបតីភាពដ៍ខ្ពង់ខ្ពស់ លោក ម៉ៅ បូរ៉ា ប្រធានក្រុមប្រឹក្សាខណ្ឌពិធីប្រារព្ធក្នុងបរិវេណវត្តបឹងប្រិយ ភូមិដើមចាន់ សង្កាត់ពន្សាំង ខណ្ឌព្រែកព្នៅ ។
វេទិកា ផ្សព្វផ្សាយនេះ មានការចូលរួមពពីឯកឧត្តម សមាជិកក្រុមប្រឹក្សារាជធានីភ្នំពេញ ឯកឧត្តម លោក លោកស្រី សមាជិកក្រុមការងារថ្នាក់ជាតិចុះជួយខណ្ឌលោក ជា ខេមា អភិបាលស្តីទីខណ្ឌព្រែកព្នៅ ព្រមទាំងសមាជិក ក្រុមប្រឹក្សាខណ្ឌ ហើយក៏មានការចូលរួមយ៉ាងច្រើនពីសំណាក់ប្រជាពលរដ្ឋ មន្ត្រីជំនាញក្រោមឱវាទផងដែរ លោក លោកស្រី គណៈអភិបាល លោក លោកស្រី ចៅសង្កាត់ លោក លោកស្រីសមាជិកក្រុមប្រឹក្សាសង្កាត់ប្រធានភូមិក្នុងខណ្ឌ និងបងប្អូនប្រជាពលរដ្ឋដែលរស់នៅក្នុងមូលដ្ឋានខណ្ឌ ច្រើននាក់ផងដែរ ។
វេទិកាផ្ដោតលើរបៀបវារៈ ៣ចំណុច រួមមាន :-១-ការងារសន្តិសុខ សណ្តាប់ធ្នាប់ និងចរាចរណ៍ ២-ការងារអភិវឌ្ឍន៍ហេដ្ឋារចនាសម្ព័ន្ធក្នុងមូលដ្ឋាន ៣-ការងារសង្គមកិច្ច។
បន្ទាប់ពី លោក ជាខេមា អភិបាល រងនៃគណៈអភិបាលខណ្ឌតំណាងលោកសុខសម្បត្តិ បានធ្វើរបាយការណ៍ស្វាគមន៍ស្ដីពីសកម្មភាពសមិទ្ធផល របស់អាជ្ញាធរក្នុងខណ្ឌដែលបានសម្រេចនាពេល កន្លងមករួមមានស្នាដៃកិច្ចអភិវឌ្ឍន៍គ្រប់វិស័យ ដែលអនុវត្តន៍ដោយរដ្ឋបាលខណ្ឌ មានក្រុមប្រឹក្សា គណៈអភិបាលនិងមានការសហការរវាងមន្ត្រីមូលដ្ឋាន ក្រុមប្រឹក្សាសង្កាត់ កងកម្លាំង រួមនិងប្រជាពលរដ្ឋ ក្នុងខណ្ឌហើយវិស័យដែលសម្រេចបានលើសេវាសាធារណៈ អប់រំ សុខភាពសង្គម សន្តិសុខ សណ្ដាប់ធ្នាប់ ហេដ្ឋារចនាសម្ព័ន្ធ ធារាសាស្ត្រ និងការដោះស្រាយជីវភាពរបស់ពលរដ្ឋនៅមូលដ្ឋានប្រកបដោយប្រសិទ្ធភាព ខ្ពស់ ជម្រាបជូនដល់អង្គវេទិកាសាធរណៈរួចមក ។
ខណៈនោះឯកឧត្តម អនុប្រធានក្រុមការងារថ្នាក់ជាតិចុះជួយខណ្ឌ លោក ម៉ៅ បូ រ៉ា ប្រធានក្រុមប្រឹក្សាខណ្ឌ និងក្រុមការងារឯកឧត្តម សមាជិកក្រុមប្រឹក្សារាជធានីភ្នំពេញ ឯកឧត្តម លោក លោកស្រី សមាជិកក្រុមការងារថ្នាក់ជាតិចុះជួយខណ្ឌ លោក អភិបាលរងនៃ អភិបាល នៃគណៈអភិបាលខណ្ឌ ក៏បានដោះស្រាយនិងណែនាំនូវ ច្បាប់ មួយចំនួនដល់ម្ចាស់សំណួរ ដោយ ភាពរលូន លោកក៏សូមកោតសរសើរដល់បងប្អូននប្រជាពលរដ្ឋដែលហ៊ាននិយាយត្រង់ និងចំៗនេះសបញ្ជាក់ថាការយល់ដឹងរបស់ប្រជាពលរដ្ឋ បានយល់ដឹងច្រើន លោកសំណូមពរដល់មន្ត្រីដែលពាក់ព័ន្ធត្រូវបន្តការយកចិត្តទុកដាក់ ដោះស្រាយនិងបម្រើសេវារដ្ឋបាល សន្តិសុខជូនប្រជាពលរដ្ឋឲ្យបានល្អប្រសើរ និងការអនុវត្តន៍កម្រៃរដ្ឋបាលលើលិខិតស្នាមទៅតាមច្បាប់កំណត់
អង្គវេទិកា បាន បើកកម្មវិធីប្រគល់ជូនសមាជិក សមាជិកា ប្រជាពលរដ្ឋដើម្បីលើកជាសំណួរ តម្រូវការ សំណូមពរ ជាចាំបាច់ ដល់វាគ្មិន ចំពោះតម្រូវការដោះស្រាយមិនបានក្រុមការងារនិងធ្វើរបាយការណ៍ទៅ ថ្នាក់ជាតិបន្តដោះស្រាយ ទៀត។
ប្រជាពលរដ្ឋបានលើកឡើងពីការងាររដ្ឋបាល ភូមិឃុំមានសុវត្ថិភាព បទល្មើសល្បែងស៊ីសង គ្រឿងញៀន ចោរកម្ម ការដោះស្រាយ ទំនាស់ ការធ្វើឯកសាររដ្ឋបាល ដូចជាលិខិតស្នាម ផ្សេងៗ ការបង់កម្រៃ ការងារជលផល ការងារសុខភាព សេវាសាធារណៈនិងតម្រូវការចាំបាច់នៅមូលដ្ឋាន៕
៕
ចំនួនអ្នកទស្សនា
- ថ្ងៃនេះ9791
- ម្សិលមិញ15191
- សប្តាហ៍នេះ52941
- ខែនេះ74821
- ឆ្នាំនេះ74821
- សរុប20517277