វេទិកា ផ្សព្វផ្សាយ និងពិគ្រោះយោបល់របស់ក្រុមប្រឹក្សាខណ្ឌជ្រោយចង្វារ
22-June-2016 | ដោយ មែន កំសត់
ភ្នំពេញ៖នា ព្រឹកថ្ងៃទី២០ ខែមិថុនា ឆ្នាំ២០១៦ នៅសាលបុរីរុងរឿងសង្កាត់ព្រែកលៀប បានរៀបចំនៅវេទិកា ផ្សព្វផ្សាយ និងពិគ្រោះយោបល់របស់ក្រុមប្រឹក្សាខណ្ឌជ្រោយចង្វារ អាណត្តិទី២ ឆ្នាំ២០១៦ ក្រោមអធិបតីភាពឯកឧត្តម សួន ឈាងលីអនុរដ្ឋលេខាធិការក្រសួងមហាផ្ទៃនិង តំណាងក្រុមការងារថ្នាក់ជាតិចុះជួយខណ្ឌជ្រោយចង្វារ។
វេទិកា ផ្សព្វផ្សាយនេះមានការចូលរួមនិមន្តពី ព្រះថារានុថរៈគ្រប់ព្រះសង្ឃ គង់នៅវត្តក្នុងខណ្ឌឯកឧត្តម សមាជិកក្រុមប្រឹក្សារាជធានីភ្នំពេញ ឯកឧត្តម លោក លោកស្រី សមាជិកក្រុមការងារថ្នាក់ជាតិចុះជួយខណ្ឌលោក ឃ្លាំង ហួត អភិបាល នៃគណៈអភិបាលខណ្ឌ ព្រមទាំងលោក ប្រាក់ ចាន់ណា ប្រធានក្រុមប្រឹក្សាខណ្ឌ ហើយក៏មានការចូលរួមយ៉ាងច្រើនពីសំណាក់ប្រជាពលរដ្ឋ សមាគមន៍ឥស្លាម ហាកឹម មន្ត្រីជំនាញក្រោមឱវាទផងដែរ លោក លោកស្រី គណៈអភិបាល លោក លោកស្រី ចៅសង្កាត់ទាំង៥ លោក លោកប្រធានភូមិ និងបងប្អូនប្រជាពលរដ្ឋដែលរស់នៅក្នុងមូលដ្ឋានខណ្ឌ សរុប ជាង៤០០នាក់ផងដែរ។
បន្ទាប់ពីលោក ប្រាក់ ចាន់ណា ប្រធានក្រុមប្រឹក្សាខណ្ឌ បានធ្វើរបាយការណ៍ស្វាគមន៍ស្ដីពីសកម្មភាពសមិទ្ធផល របស់អាជ្ញាធរក្នុងខណ្ឌដែលបានសម្រេចនាពេល កន្លងមករួមមានេះស្នាដៃកិច្ចអភិវឌ្ឍន៍គ្រប់វិស័យ ដែលអនុវត្តន៍ដោយរដ្ឋបាលខណ្ឌ មានក្រុមប្រឹក្សា គណៈអភិបាលនិងមានការសហការរវាងមន្ត្រីមូលដ្ឋាន ក្រុមប្រឹក្សាសង្កាត់ កងកម្លាំង រួមនិងប្រជាពលរដ្ឋ ក្នុងខណ្ឌហើយវិស័យដែលសម្រេចបានលើសេវាសាធារណៈ អប់រំ សុខភាពសង្គម សន្តិសុខ សណ្ដាប់ធ្នាប់ ហេដ្ឋារចនាសម្ព័ន្ធ ធារាសាស្ត្រ និងការដោះស្រាយជីវភាពរបស់ពលរដ្ឋនៅមូលដ្ឋានប្រកបដោយប្រសិទ្ធភាព ខ្ពស់ ជម្រាបជូនដល់អង្គវេទិកាសាធរណៈរួចមក ។
លោកក៏បានបន្តផងដែរថា៖យោងតាមអនុក្រឹត្យរបស់រាជរដ្ឋាភិបាលបានចែងថាក្រុមប្រឹក្សារាជធានី ខេត្តក្រុងស្រុកខណ្ឌ ត្រូវរៀបចំធ្វើវេទិកាផ្សព្វផ្សាយស្ដីពីកិច្ចអភិវឌ្ឍន៍របស់ខ្លួននីតាមសង្កាត់នាខែមិថុនាជារៀងរាល់ឆ្នាំម្ដង សំដៅត្រួតពិនិត្យតាមដាននិងស្វែងយល់និងទទួលយកតម្រូវការព័ត៌មានពីប្រជាពលរដ្ឋ លើការងារដែលពាក់ព័ន្ធរួមនឹងការប្រឈមភាពអសកម្មរបស់មន្ត្រីគ្រប់លំដាប់ថ្នាក់ហើយត្រូវធ្វើការកែសម្រួលតាមការណែនាំរបស់ថ្នាក់ជាតិហើយកិច្ចពីគ្រោះយោបល់នេះផ្ដោតលើចំណុច៣សំខាន់ៗរួមមាន ការងារភូមិសង្កាត់មានសុវត្ថិភាព ការងារ រដ្ឋបាល លើលិខិតស្នាម ផ្សេងៗការងារអភិវឌ្ឍន៍។
អង្គវេទិកា បាន បើកកម្មវិធីប្រគល់ជូនសមាជិក សមាជិកា ប្រជាពលរដ្ឋដើម្បីលើកជាសំណួរ តម្រូវការ សំណូមពរ ជាចាំបាច់ ដល់វាគ្មិន ចំពោះតម្រូវការដោះស្រាយមិនបានក្រុមការងារនិងធ្វើរបាយការណ៍ទៅ ថ្នាក់ជាតិបន្តដោះស្រាយ ទៀត។
ប្រជាពលរដ្ឋបានលើកឡើងពីការងាររដ្ឋបាល ភូមិឃុំមានសុវត្ថិភាព បទល្មើសល្បែងស៊ីសង គ្រឿងញៀន ចោរកម្ម ការដោះស្រាយ ទំនាស់ ការធ្វើឯកសាររដ្ឋបាល ដូចជាលិខិតស្នាម ផ្សេងៗ ការបង់កម្រៃ ការងារជលផល ការងារសុខភាព សេវាសាធារណៈនិងតម្រូវការចាំបាច់នៅមូលដ្ឋាន ។
ខណៈនោះឯកឧត្តម សួន ឈាងលី តំណាងក្រុមការងារថ្នាក់ជាតិចុះជួយខណ្ឌ ប្រធានក្រុមប្រឹក្សាខណ្ឌ និងក្រុមការងារឯកឧត្តម សមាជិកក្រុមប្រឹក្សារាជធានីភ្នំពេញ ឯកឧត្តម លោក លោកស្រី សមាជិកក្រុមការងារថ្នាក់ជាតិចុះជួយខណ្ឌលោក អភិបាល នៃគណៈអភិបាលខណ្ឌដូនពេញក៏បានដោះស្រាយនិងណែនាំនូវ ច្បាប់ មួយចំនួនដល់ម្ចាស់សំណួរ ដោយ ភាពរលូន លោកក៏សូមកោតសរសើរដល់បងប្អូននប្រជាពលរដ្ឋដែលហ៊ាននិយាយត្រង់ និងចំៗនេះសបញ្ជាក់ថាការយល់ដឹងរបស់ប្រជាពលរដ្ឋ បានយល់ដឹងច្រើន លោកសំណូមពរដល់មន្ត្រីដែលពាក់ព័ន្ធត្រូវបន្តការយកចិត្តទុកដាក់ ដោះស្រាយនិងបម្រើសេវារដ្ឋបាល សន្តិសុខជូនប្រជាពលរដ្ឋឲ្យបានល្អប្រសើរ និងការអនុវត្តន៍កម្រៃរដ្ឋបាលលើលិខិតស្នាមទៅតាមច្បាប់កំណត់។
ហើយឯកឧត្តមក៏ស្នើដល់សាលាខណ្ឌ សង្កាត់ត្រូវបន្តការអនុវត្តន៍ការបម្រើសេវាសាធារណៈប្រកបដោយប្រសិទ្ធភាពខ្ពស់ មិនគាបសង្កត់ប្រជាពលរដ្ឋ រក្សាសន្តិសុខសុវត្ថិភាពនៅមូលដ្ឋាន ត្រួតពិនិត្យនិងមានផែនការប្រជុំលើការងារចរាចរណ៍ច្បាប់បទដ្ឋានគតិយុត្តិឲ្យបានទូលាយ ចំណុចអសកម្មភាពត្រូវកែសម្រួលឲ្យខានតែបាន សរបតាមយុទ្ធសាស្ត្រកំណែទម្រង់របា់ថ្នាក់ជាតិនិអនុវត្តន៍អភិក្រមរបស់សម្ដេចតេជោប្រមុខដឹកនាំគឺ មុជទឹកដុលក្អែល សំអាតកាយ ឆ្លុះកញ្ចក់ និងព្យាល ៕
ចំនួនអ្នកទស្សនា
- ថ្ងៃនេះ6351
- ម្សិលមិញ15191
- សប្តាហ៍នេះ49501
- ខែនេះ71381
- ឆ្នាំនេះ71381
- សរុប20513837