ពិធីបើកការដ្ឋានស្ថាបនាផ្លូវបេតុងឆ្អឹងដែក នៅសង្កាត់ពញាពន់
28-June-2016 | ដោយ មែន កំសត់
ភ្នំពេញ៖នៅព្រឹកថ្ងៃទី២៧ ខែមិថុនា ឆ្នាំ២០១៦ វេលាម៉ោង ៨និង០០ នាទី មានពិធីបើកការដ្ឋានស្ថាបនាផ្លូវបេតុងឆ្អឹងដែកប្រវែង ៦០០ម X ៦ម ស្ថិតនៅភូមិត្រពាំងស្នោរ សង្កាត់ពញាពន់ ក្រោមអធិបតីភាព លោក សុខ សម្បត្តិ អភិបាលនៃគណៈអភិបាលខណ្ឌព្រែកព្នៅ និងលោក ម៉ៅ បូរ៉ា ប្រធានក្រុមប្រឹក្សាខណ្ឌ ។
ពិធីនេះនិងមានការចូលរួមពី លោក-លោកស្រី សមាជិកក្រុមប្រឹក្សាខណ្ឌ លោកអភិបាលរង លោក នាយករង ការិ.ចំណុះជំនាញជុំវិញខណ្ឌ ព្រមទាំងប្រជាពលរដ្ឋសរុប ២៥១នាក់ផងដែរ ។
បន្ទាប់ពីលោកចៅសង្កាត់ពញាពន់ បានធ្វើរបាយការណ៍សកម្មភាពស្ដីអំពី ការអនុវត្តន៍សាងសង់ផ្លូវ បេតុងឆ្អឹងដែកប្រវែង ៦០០ម X ៦ដែលប្រើប្រាស់មូលនិធិឃុំឆ្នាំ២០១៦និងមូលនិធិបដិភាគពីប្រជាពលរដ្ឋ និងដាក់ដេញថ្លៃនៅសាលាខណ្ឌនាពេលកន្លងមក ក្រោមកិច្ចសហការជាមួយមន្ត្រីខណ្ឌ ខេត្តនិងក្រុមប្រឹក្សាសង្កាត់ គឺគណៈកម្មាធិការលទ្ធកម្មបានជ្រើសរើសអ្នកទទួលការ ដើម្បីអនុវត្តន៍លើគម្រោងផ្លូវនេះ តាមបទដ្ឋាននិងគំនូសប្លង់បច្ចេកទេសលំអិត និងមានការត្រួតពិនិត្យតាមដានបច្ចេកទេសពីមន្ត្រីខណ្ឌ រាជធានី ក្រុមប្រឹក្សាសង្កាត់ និងប្រជាពលរដ្ឋ។
នាឱកកាសនោះ លោក សុខ សម្បត្តិ អភិបាលនៃគណៈអភិបាលខណ្ឌព្រែកព្នៅ បានមានមតិ និងសម្ដែងនូវក្ដីរីករាយ ចំពោះសមិទ្ធផលដែលសម្រេចបានរបស់ក្រុមប្រឹក្សាតាមនយោបាយកំណែទម្រង់ ដែលមូលនិធិអភិវឌ្ឍន៍គម្រោងតាមឆ្នាំថវិកាសង្កាត់របស់រាជរដ្ឋាភិបាលតាម ផែនការវិនិយោគរបស់មូលដ្ឋានដែលបានលើកឡើង តាមបែបវិមជ្ឈការនៅថ្នាក់មូលដ្ឋាន ថ្នាក់ក្រោមជាតិ និងគាំទ្រដោយ មន្ត្រីគ្រប់អង្គភាពដែលពាក់ព័ន្ធ (គជអប) លោកអភិបាលក៏សំណូមពរដល់អ្នកទទួលការត្រូវគោរពតាមលក្ខខណ្ឌនៃ កិច្ចសន្យា គំនូសប្លង់ត្រឹមត្រូវបច្ចេកទេស ហើយថ្នាក់ឃុំនិងប្រជាពលរដ្ឋត្រូវបង្កើនការតាមដានត្រួតពិនិត្យ លើការដ្ឋាន ដើម្បីបង្កើនការយកចិត្តតុកដាក់និងការធានាគុណភាពនូវគម្រោង ប្រើប្រាស់បានយូរអង្វែង មុនធ្វើការទូទាត់ប្រាក់ជុនអ្នកទទួលការត្រូវធ្វើការប្រជុំសម្រេច ជាមួយក្រុមប្រឹក្សាសង្កាត់ និងមានការចូលរួមពីប្រជាពលរដ្ឋដែលជាតំណាងអ្នកទទួលផង ដែរ មិនមែនចេះតែសម្រេចខុសតាមគោលការណ៍នែនាំខ្លឹមសារនៃសៀវភៅភីមនៃ ការអនុវត្តន៍គម្រោងមូលនិធិឃុំសង្កាត់ឡើយ៕
ចំនួនអ្នកទស្សនា
- ថ្ងៃនេះ2561
- ម្សិលមិញ15191
- សប្តាហ៍នេះ45711
- ខែនេះ67591
- ឆ្នាំនេះ67591
- សរុប20510047