រដ្ឋបាលខណ្ឌដង្កោប្រារព្ធវេទិកា របស់ក្រុមការងារថ្នាក់ក្រោមជាតិដើម្បីទទួលយកតម្រូវការនានាពីប្រជាពលរដ្ឋ
07-July-2016 | ដោយ មែន កំសត់
ភ្នំពេញ៖នៅព្រឹកថ្ងៃទី០៦ ខែកក្កដា ឆ្នាំ២០១៦ នៅវត្តស្វាយមាស សង្កាត់ប្រទះឡាង ខណ្ឌដង្កោ បានរៀបចំវេទិការបស់ក្រុមការងារថ្នាក់ជាតិចុះមូលដ្ឋានខណ្ឌដង្កោ ដើម្បីទទួលយកសំណើ សំណួរ សំណូមពរ និងដោះស្រាយបញ្ហាជូនប្រជាពលរដ្ឋ ក្នុងសង្កាត់ចំនួន ០៧ ក្នុងខណ្ឌដង្កោ រួមមាន សង្កាត់ប្រទះឡាង សង្កាត់ក្រាំងពង្រ សង្កាត់ពងទឹក សង្កាត់ព្រៃវែង សង្កាត់សាក់សំពៅ សង្កាត់ទៀន និងសង្កាត់គងនយ ក្រោមអធិបតីភាព លោកជំទាវ អ៊ឹង កន្ថាផាវី រដ្ឋមន្ត្រីក្រសួងកិច្ចការនារី និងជាប្រធានក្រុមការងារថ្នាក់ជាតិចុះមូលដ្ឋានខណ្ឌដង្កោ។
វេទិការបស់ក្រុមការងារថ្នាក់ជាតិនេះមានវត្តមានចូលរួមឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ឯកឧត្តម កែប ជុតិមា តំណាងរាស្ត្រមណ្ឌលភ្នំពេញ និងដោយមានការចូលរួមពីក្រុមការងារថ្នាក់ជាតិចុះមូលដ្ឋានខណ្ឌដង្កោ ក្រុមប្រឹក្សា គណៈអភិបាលខណ្ឌ ការិយាល័យសាលាខណ្ឌ សង្កាត់ ព្រមទាំងអង្គភាពជំនាញពាក់ព័ន្ធនានានិងប្រជាពលរដ្ឋជាច្រើននាក់ផងដែរ។
បន្ទាប់ពី លោកនុត ពុធដារ៉ា អភិបាលខណ្ឌដង្កោ បានធ្វើរបាយការណ៍ស្វាគមន៍ស្ដីពីសកម្មភាពសមិទ្ធផល របស់អាជ្ញាធរក្នុងខណ្ឌដែលបានសម្រេចនាពេល កន្លងមករួមមានេះស្នាដៃកិច្ចអភិវឌ្ឍន៍គ្រប់វិស័យ ដែលអនុវត្តន៍ដោយរដ្ឋបាលខណ្ឌ មានក្រុមប្រឹក្សា គណៈអភិបាលនិងមានការសហការរវាងមន្ត្រីមូលដ្ឋាន ក្រុមប្រឹក្សាសង្កាត់ កងកម្លាំង រួមនិងប្រជាពលរដ្ឋ ក្នុងខណ្ឌហើយវិស័យដែលសម្រេចបានលើសេវាសាធារណៈ អប់រំ សុខភាពសង្គម សន្តិសុខ សណ្ដាប់ធ្នាប់ ហេដ្ឋារចនាសម្ព័ន្ធ ធារាសាស្ត្រ និងការដោះស្រាយជីវភាពរបស់ពលរដ្ឋនៅមូលដ្ឋានប្រកបដោយប្រសិទ្ធភាព ខ្ពស់ ជម្រាបជូនដល់អង្គវេទិកាសាធរណៈរួចមក ។
ហើយនៅក្នុងឱកាសនោះលោកជំទាវ អ៊ឹង កន្ថាផាវី រដ្ឋមន្ត្រីក្រសួងកិច្ចការនារី និងជាប្រធានក្រុមការងារថ្នាក់ជាតិចុះមូលដ្ឋានខណ្ឌដង្កោ ក៏ស្នើដល់សាលាខណ្ឌ សង្កាត់ត្រូវបន្តការអនុវត្តន៍ការបម្រើសេវាសាធារណៈប្រកបដោយ ប្រសិទ្ធភាពខ្ពស់ មិនគាបសង្កត់ប្រជាពលរដ្ឋ រក្សាសន្តិសុខសុវត្ថិភាពនៅមូលដ្ឋាន ត្រួតពិនិត្យនិងមានផែនការប្រជុំលើការងារចរាចរណ៍ច្បាប់បទដ្ឋាន គតិយុត្តិឲ្យបានទូលាយ ចំណុចអសកម្មភាពត្រូវកែសម្រួលឲ្យខានតែបាន សរបតាមយុទ្ធសាស្ត្រកំណែទម្រង់របា់ថ្នាក់ជាតិនិអនុវត្តន៍អភិក្រមរបស់ សម្ដេចតេជោប្រមុខដឹកនាំគឺ មុជទឹកដុលក្អែល សំអាតកាយ ឆ្លុះកញ្ចក់ និងព្យាល។
អង្គវេទិកា បាន បើកកម្មវិធីប្រគល់ជូនសមាជិក សមាជិកា ប្រជាពលរដ្ឋដើម្បីលើកជាសំណួរ តម្រូវការ សំណូមពរ ជាចាំបាច់ ដល់វាគ្មិន ចំពោះតម្រូវការដោះស្រាយមិនបានក្រុមការងារនិងធ្វើរបាយការណ៍ទៅ ថ្នាក់ជាតិបន្តដោះស្រាយ ទៀត។ វេទិកានេះបានបើកឱកាស អោយប្រជាពលរដ្ឋ មានសំណូមពរ សំនួរផ្សេងៗ មានមតិយោបល់ សួរមកមន្ត្រីជំនាញរបស់ រដ្ឋបាលខណ្ឌមានជ័យ ដើម្បីឆ្លើយតប និងដោះស្រាយជូនប្រជាពលរដ្ឋ ក្នុងខណ្ឌ ។
បន្ទាប់មកពីចប់វេទិកាលោកជំទាវ និងឯកឧត្តមក្រុមការងារបានចុះទៅពិនិត្យផ្ទាល់នូវតម្រូវការរបស់ប្រជាពលរដ្ឋ និងបានចាត់វិធានការចំពោះរោងចក្រដែលបានបង្ហូរទឹកចូលប្រឡាយដើម្បីឲ្យបញ្ឈប់និងគោរពច្បាប់របស់អាជ្ញាធរសមត្ថកិច្ចផង៕
ចំនួនអ្នកទស្សនា
- ថ្ងៃនេះ1911
- ម្សិលមិញ15191
- សប្តាហ៍នេះ45061
- ខែនេះ66941
- ឆ្នាំនេះ66941
- សរុប20509397