ប្រកាសតែងតាំងមន្ត្រីសំរាប់មន្ទីរកសិកម្មរាជធានីភ្នំពេញ
29-July-2016 | ដោយ មែន កំសត់
ភ្នំពេញ៖នៅ ព្រឹកថ្ងៃទី២៨ខែកក្ដដាឆ្នាំ២០១៦នេះនៅរដ្ឋបាល រាជធានីភ្នំពេញ មានការប្រកាសតែងតាំងអនុប្រធានមន្ទីរថ្មីចំនួន២ នាក់ថែមទៀតក្រោមអធិបតីភាពឯកឧត្តមប៉ា សុជាតិវង្ស អភិបាលរាជធានីភ្នំពេញនិងឯកឧត្តម ឱម គឹមស៊ារដ្ឋលេខាធិការក្រសួងកសិកម្មរុក្ខាប្រមាញ់និងនេសាទ តែកៅអីប្រធានមន្ទីរបន្តកាន់កាប់ដោយប្រធានស្តីទីនៅឡើយទោះជា រដ្ឋមន្ត្រីក្រសួងកសិកម្មដូរអស់៣នាក់ហើយក៏ដោយ។
មន្ត្រីរដ្ឋបាលរាជធានីភ្នំពេញបានឱ្យដឹងថា៖ក្នុងពិធីប្រកាសខាងលើនេះ មានមន្ត្រីមន្ទីរកសិកម្មចំនួន១៣នាក់ត្រូវបានតែងតាំងជាប្រធាន ការិយាល័យ,អនុការិយាល័យអនុប្រធានមន្ទីរកសិកម្មរុក្ខាប្រម៉ាញ់និង នេសាទរាជធានីភ្នំពេញបន្ថែមថ្មីចំនួន២នាក់ទៀតគឺលោកសួង វ៉ាន់ថេន និងលោកទឹម សាវុធ រួមទាំងប្រធានការិយាល័យចំនួន៥នាក់និងអនុប្រធានការិយាល័យ១នាក់, ផ្ទេរភារកិច្ចប្រធានការិយាល័យ១នាក់ និងប្រគល់ភារកិច្ចឋានៈប្រធានការិយាល័យចំនួន៤នាក់ក្រោយពីតួនាទី នេះត្រូវចំហចោលច្រើនឆ្នាំ។
ក្នុងឱកាសតែងតាំងផ្ទេរនិង ប្រគល់ភារកិច្ចមន្ត្រីនាពេលនេះឯកឧត្តមប៉ា សុជាតិវង្ស បានមានប្រ សាសន៍ថា៖នេះគឺជាការបញ្ចូលឈាមថ្មីទៅក្នុងកោសិការចាស់និងជាអ្នក បន្តវេនការងារ។លោកអភិបាលបានលើកឡើងពីកត្តាកំណត់ដែលនាំដល់ជោគជ័យ ក្នុងការងារគឺការជំរុញលើកទឹក ចិត្តដល់ប្រជាកសិករឧ្យចិញ្ចឹម និងដាំបន្លែបង្ការ ដំណាំផ្សេងៗសំរាប់ផ្គត់ផ្គង់ទីផ្សារ ព្រោះយើងតែងមានអំនួតថា កម្ពុជាជាប្រទេសកសិកម្ម តែបើសូម្បីតែស្លឹកគ្រៃក៏នាំចូលដែរនោះគឹចប់ហើយ។
លោក បន្តថា៖ថ្វីត្បិតតែផ្ទៃដីកសិកម្មក្នុងភូមិសាស្ត្ររាជធានីភ្នំពេញ ចេះតែរួមតូចទៅតាមល្បឿននៃការអភិវឌ្ឍន៦តែនៅមានការងារជាច្រើន ដែលមន្ត្រីមន្ទីរកសិកម្មត្រូវ ធ្វើដូចជា៖ការគ្រប់គ្រងបរិមាណត្រីសាច់និងបន្លែដែលនាំចូលទីក្រុង ភ្នំពេញមានចំនួនប៉ុន្មានក្នុង១ថ្ងៃ,មកពីប្រភពណា និងថាតើត្រីសាច់ និងបន្លែទាំងនោះមានសុវត្ថិភាព និងគុណភាពយ៉ាងណា...៕
ចំនួនអ្នកទស្សនា
- ថ្ងៃនេះ5141
- ម្សិលមិញ4911
- សប្តាហ៍នេះ22711
- ខែនេះ5141
- ឆ្នាំនេះ248381
- សរុប20690837